АКТУАЛЬНЫЯ ТЭМЫ: Захад-2017 Справа Федынiча Дэкрэт пра дармаедаў Міліцэйскае свавольства Эканамічны крызіс Забойства Паўла Шарамета

Лукашэнка прапанаваў Тапузідзісу распаўсюдзіць сетку «Кароны» на вёскі

Аляксандр Лукашэнка 8 верасня правёў рабочую сустрэчу са старшынёй рады дырэктараў ТАА «Тытунь-інвест» Паўлам Тапузідзісам, на якой абмяркоўвалася рэалізацыя праекта па комплексным гандлёвым абслугоўванні насельніцтва, якое пражывае ў сельскай мясцовасці і невялікіх населеных пунктах.

Кіраўнік дзяржавы адзначыў, што напярэдадні ў інтэрнэце азнаёміўся з інфармацыяй на некаторых рэсурсах «з пахам жаўцізны». «Прачытаў, што там за некалькі гадоў назапасілі пра Лукашэнку, і, рыхтуючыся да гэтай сустрэчы, падумаў пра тое, што калі б гэтыя жоўтыя пісакі ведалі, як я напружваю бедных бізнэсменаў, дык яны, напэўна, напалову менш пісалі б паскудства», — сказаў Аляксандр Лукашэнка.

«У мяне няма звычкі для сябе асабіста нешта прасіць. Ніводны бізнэсовец пра гэта не скажа», — падкрэсліў беларускі кіраўнік, піша НН.

 

Ён адзначыў важнасць рэалізацыі праекта ў сферы гандлёвага абслугоўвання насельніцтва, асабліва сельскага. Пры гэтым ён канстатаваў, што часам складваецца несправядлівая сітуацыя, калі на вёсцы тавары ў крамах, у тым ліку прадукты, прадаюцца па цэнах даражэйшых, чым у горадзе.

 

«Не скажу, што нам патрэбна замена белкаапсаюзаўскага гандлю, — патрэбна канкурэнцыя, каб мы бачылі рэальную карціну. І вось тады я папрасіў, каб ты спланаваў у адным з раёнаў Беларусі такую сетку абслугоўвання. І ты мне адназначна заявіў, што гэта будзе па цэнах ніжэй, чым існуючыя. Гэта мяне падкупляе», — сказаў кіраўнік дзяржавы.

Ён адзначыў, што ў выпадку паспяховай рэалізацыі запланаванага ў адным з раёнаў аналагічную схему можна будзе ў наступным выкарыстаць па ўсёй краіне. «Вядома, трэба, каб насельніцтва абслугоўвалася дастойна», — падкрэсліў Лукашэнка.


13:27 08/09/2017


Загрузка...
ссылки по теме


загружаюцца каментары