АКТУАЛЬНЫЯ ТЭМЫ: Захад-2017 Справа Федынiча Дэкрэт пра дармаедаў Міліцэйскае свавольства Эканамічны крызіс Забойства Паўла Шарамета

Забойства буйнога прадпрымальніка з Мёраў раскрыта праз 15 месяцаў

Следчыя раскрылі забойства буйнога прадпрымальніка з Мёраў, здзейсненае ў 2016 годзе.

Як паведаміў сёння на брыфінгу начальнік упраўлення Следчага камітэта па Віцебскай вобласці Уладзімір Шалухін, у траўні 2016 года індывідуальны прадпрымальнік, уладальнік магазіна будаўнічых матэрыялаў, адправіўся на сустрэчу і быў забіты.

Доўгі час гэта злачынства заставалася нераскрытым, адпрацоўваліся розныя версіі забойства. У выніку ў лютым і сакавіку 2017 году былі затрыманыя трое падазраваных.

Ключавым фігурантам з'яўляецца непрацуючы жыхар Мёраў 1963 года нараджэння, дапамагу  ў здзяйсненні злачынства яму аказвалі двое жыхароў Віцебску.

Раскрыццё гэтага забойства дазволіла выявіць яшчэ цэлы шэраг злачынстваў, учыненых галоўным зламыснікам. На яго рахунку факты вымагання буйной сумы грошай, незаконнае захоўванне зброі і боепрыпасаў, планаванне новых злачынных схем з мэтай вымагальніцтва і рабавання.

Расследаванне злачынства заняло 15 месяцаў, матэрыялы крымінальнай справы склалі 21 том. У цяперашні час яны перададзеныя пракурору для накіравання ў суд.

Усе абвінавачаныя утрымліваюцца пад вартай.

па інф.БелТА 


15:26 13/09/2017


Загрузка...
ссылки по теме


загружаюцца каментары