АКТУАЛЬНЫЯ ТЭМЫ: Шпіёнаманія Рэформа адукацыі Дзедаўшчына ў войску Справа Федынiча Дэкрэт пра дармаедаў Забойства Паўла Шарамета

Мастацкім кіраўніком тэатра імя Якуба Коласа стаў Міхась Краснабаеў

Новага мастацкага кіраўніка калектыву Нацыянальнага акадэмічнага драматычнага тэатра імя Якуба Коласа прадставілі 13 верасня міністр культуры Барыс Святлоў.

На гэтую пасаду прызначылі рэжысёра-пастаноўшчыка Міхася Дзмітрыевіча Краснабаева, чый творчы шлях поўнасцю звязаны з віцебскім тэатрам. Ён прыйшоў сюды працаваць артыстам у 1985 годзе артыстам пасля заканчэння тэатральнага факультэта Беларускага дзяржаўнага тэатральна-мастацкага інстытута, паведамляе прэс-служба тэатра.

 

Спадар Краснабаеў праявіў сябе выканаўцам шырокага творчага дыяпазону. Сярод яго найбольш значных вобразаў: Сымон («Сымон-музыка» Якуба Коласа), Рамэа («Рамэа і Джульета» У. Шэкспіра), Пётр («Мяшчане» М. Горькага), Шкаляр («Несцерка» В.Вольскага), Артур («Танга» С. Мрожака), Грэй («Пунсовыя ветразі» А. Грына), Гартэнзіа («Утаймаванне наравістай» У. Шэкспіра), Скалнас («Час быка» К. Саі), Сушчэня, Барэйка («Стрэл у тумане» і “Пакахай мяне, салдацік!” паводле В. Быкава). За стварэнне вобраза Сымона арытыста ўзнагародзілі Дыпломам Беларускага тэатральнага таварыства (1987).

 

У 2000-2001 гадах Міхась Краснабаеў прайшоў рэжысёрскую падрыхтоўку ў Маскве, у Акадэміі перакваліфікацыі работнікаў мастацтва, культуры і турызму, дзе вучыўся ў народнага артыста Расіі, прафесара Пятра Фаменкі. У 2004 годзе ў коласаўскім тэатры ён перайшоў на пасаду рэжысёра-пастаноўшчыка.

 

Аднак першы спектакль спадара Краснабаева у якасці рэжысёра быў пастаўлены яшчэ ў 1996 годзе: «Вераб'іная ноч» па матывах пралогу да рамана «Нельга забыць» Уладзіміра Караткевіча тады была высока ацэненая крытыкай і тэатральнай грамадскасцю на рэспубліканскім аглядзе маладзёжных работ. На камернай сцэне тэатра паставіў спектаклі: «Плач, саксафон!» І. Сідарука, «Стрэл у тумане» па аповесці В. Быкава «У тумане».

 

У 1998 годзе адбыўся рэжысёрскі дэбют Міхаіла Краснабаева на вялікай сцэне – «Школа блазнаў» Мішэля дэ Гільдерода – сведчанне значнага ўдасканалення прафесіяналізму. У актыве Краснабаева – пастаноўкі спектакляў «Люці» А. Дударава, «Доктар Айбаліт» па матывах кінасцэнару В.Карастылёва і Р.Быкава «Айбаліт-66», «Ладдзя роспачы» паводле Ул. Караткевіча (стаў лаўрэатам Рэспубліканскага конкурсу п'ес для тэатра «Чалавек і грамадства» за інсцэніроўку гэтай аповесці (2003), «Вар’яцкае танга кахання» С. Шэпарда, «За двума зайцамі» М.Старыцкага, “Жарты” паводле твораў М. Чарота, Л. Родзевіча і Я. Купалы (прымаў удзел у V Усерасійскім фестывалі “Руская камедыя”, які праходзіў у Растове-на-Доне, 2012). Яны вызначаліся высокай сцэнічнай культурай, уменнем рэжысёра выявіць актуальныя праблемы сучаснасці. Пастаноўкі карысталася папулярнасцю ў гледачоў Віцебска, а таксама на гастролях у гарадах Санкт-Пецярбург, Арол, Бранск (Расія), Адэса (Украіна), Беласток (Польшча).

 

Асаблівае месца ў творчым арсенале рэжысёра займаюць пастаноўкі па творах Уладзіміра Караткевіча, яго любімага аўтара. Сярод найбольш значных работ – пастаноўкі “Леаніды не вернуцца на Зямлю” паводле рамана “Нельга забыць”, які быў намінаваны на атрыманне II Нацыянальнай тэатральнай прэміі ў 2012 годзе, і “Хрыстос прызямліўся ў Гародні”. У абодвух выпадках спадар Краснабаеў выступаў і ў якасці аўтара інсцэніровак. Добрая прафесійная падрыхтоўка, творчая ініцыятыва, сур’ёзныя адносіны да мастацтва далі магчымасць Міхасю Краснабаеву заняць адно з вядучых месцаў у коласаўскай трупе.

 

За апошнія гады ў рэжысёра з’явіліся новыя пастаноўкі: “Да трэціх пеўняў” В.Шукшына, “Шукаем тэнара!” К. Людзвіга, “Смяротны нумар” А. Антонава, “Снежная каралева” Я. Шварца паводле Х.-К.Андэрсена, “Прыгоды Дзюймовачкі” П. Ісайкіна паводле Х.-К. Андэрсена, “Доктар філасофіі” Б. Нушыча. Зараз рэжысёр працуе над аднаўленнем спектакля “Перабор” па п’есе Херберта Бергера, прыступае да пастаноўкі п’есы Максіма Горкага “Апошнія” (прэм’ера мяркуецца ў лістападзе).

 

Міхась Краснабаеў узнагароджаны граматамі Віцебскага абласнога Савета дэпутатаў (1996), аддзела культуры Віцебскага аблвыканкама (2010), Ганаровай граматай Міністэрства культуры Рэспублікі Беларусь (2010), Ганаровым знакам Міністэрства культуры Рэспублікі Беларусь “За ўклад у развіццё культуры Беларусі” (2015), ганаровым званнем “Чалавек года Віцебшчыны” (2016).

 

Трэба адзначыць прызначэнне Міхася Краснабаева мастацкім кіраўніком коласаўскага тэатра перарывае доўгі шэраг кіраўнікоў-варагаў — цягам апошніх дзесяцігоддзяў на гэтую пасаду запрашалі рэжысёраў з-за межаў віцебскага калектыву
19:18 13/09/2017


Загрузка...


загружаюцца каментары