Блоги

Бізнесмен з ЗША размаўляе па-беларуску / Прыват | Сын футболиста Прокопенко переехал в Минск 16:03 30/09/17

Адныя беларусы развітваюцца з Радзімай у ля-міноры, іншыя з’язджаюць з ля-мажорнымі матывамі. Вяртаюцца таксама па-рознаму. На трошкі і назаўжды. Паспяховымі і лузерамі. Размова ў новым выданні «Прывату» пойдзе пра тых, хто калісьці з’ехаў з Беларусі. Нехта плануе вярнуцца або ўжо вярнуўся. Зміцер Пракапенка – беларускі бізнесовец, які вярнуўся з ЗША і цяпер працуе ў Беларусі. Сын аднаго са славутых беларусаў ХХ стагоддзя, легендарнага футбаліста менскага «Дынама» Аляксандра Пракапенкі, талента з трагічным лёсам… Цалкам - тут.

"Каб любіць Беларусь нашу мілую, трэба ў розных краях пабываць», – так пачынае свой аповед беларуска, якая ўжо шэсць гадоў жыве ў Бразіліі. Вольга Ермалаева Франко лічыць, што беларусам можна заставацца, нягледзячы на месца побыту. А са сваім мужам, бразільцам Патэрсанам, яны на штодзень размаўляюць па-беларуску.

Іншыя героі выдання: вандроўніца, фатограф і грамадзянка свету Дана Комрад і мастак Захар Кудзін, які надоечы вярнуўся з Амерыкі, але зноў збіраецца вярнуцца туды. Чаму і навошта? А што бліжэй Вам?


Страшны досвед ЭКА са шчаслівым вынікам | ЭКО. Дети «из пробирки»: какой ценой? 21:36 06/09/17

Страшны досвед ЭКА са шчаслівым вынікам. Споведзь беларускі Дар'і Каткоўскай. «Дзеці з прабіркі»: якой цаной?



Як праходзіць працэдура ЭКА? Пра што не папярэджваюць дактары? Колькі гэта каштуе? З якімі наступствамі сутыкаюцца жанчыны і іх сем’і? Эксперт выдання акушэр-гінеколаг - пра рызыкі і негатыўныя бакі працэдуры, што могуць адбівацца на дзецях. Праўда і міфы цяжарнасці ЭКА падрабязней - тутака.

= = = = = = = = = = = = = = = = = = = = = = = = = =

Правда и мифы беременности ЭКО. Зачатие in vitro. Личная история белоруски. Премьерное издание нового сезона «Прывата».

Сама сабе целаахоўнік: не дапускаць гвалту – ні ад каханага, ні ад начальніка! (відэа) 20:16 21/05/17

У Беларусі кожная жанчына хоць раз у жыцці сутыкалася з гвалтам. 


• Як абараніцца ад маньяка? 

• Што рабіць, калі гвалт чыняць твае родныя?

• Як пазбегнуць абразаў начальства і не весціся на побытавыя маніпуляцыі ў сям'і? 

• Як супрацьстаяць эмацыйнаму прыгнёту і замахам на вашую свабоду і годнасць? 
• Як спыніць і як не дапусціць гвалт?
• Як перафарматаваць жыццё, калі гвалт ужо адбыўся? 
• З якога ўзросту і дзе вучыцца самаабароне?


Гарачая тэма: «Сама сабе целаахоўнік, або правілы самаабароны» у «Прываце», героі выдання - адзінай сертыфікаваная трэнерка па жаночай самаабароне Wen-do на постсавецкай прасторы, трэнерам па самаабароне для мужчын і экспертам па сродках самаабароны. Падрабязней - па спасылцы - ПРАВІЛЫ САМААБАРОНЫ.


Спартовы фанатызм - небяспечная забаўка патрыётаў? (відэа) 10:07 17/04/17

Спартовы фанатызм… Пазітыўнае захапленне ці небяспечная забаўка? «Адмарозкі» ці апантаныя заўзятары-патрыёты? Оле-оле-оле-оле! Тэма новага «Прывату» - «Футбольныя фанаты, або чыя возьме?». Госць студыі – фанат, граўндхопер Зміцер Міцкевіч. Героі выдання – футбольная заўзятарка Наталька Мотуз і фанат з 30-гадовым стажам Андрусь Анцух.

 

Мы трапім на стадыён і развянчаем міфы жыцця фанатаў! Глядзіце ў поўным выданні!




Эксклюзіўная гутарка з 91-гадовым сынам Якуба Коласа! (відэа) 14:30 08/04/17

Ці адпачывае прырода на нашчадках славутых беларусаў? Ці не напружвае іх слава бацькоў ды абавязак, як кажуць, адпавядаць?

Эксклюзіў! Госць 
студыі «Прыват» – малодшы сын Якуба Коласа, 91-гадовы Міхась Міцкевіч, доктар тэхнічных навук і яго сям’я  сяброўства? На якой мове размаўляла жонка паэта? І ці строга выхоўваліся дзеці і кім яны сталі? Ды шмат іншых цікавінак у поўным выданні!

"Жыццё ў натуры" (эка-відэа) 16:20 29/09/16 2

Пра экалогію і здаровы лад жыцця сёння гаворыцца шмат. Не АЭС! Беражыце лес! Сартыруйце смецце! Спажывайце натуральнае! Пакуль нехта чакае эпохі электрамабіляў, ёсць і тыя, хто ўжо сёння вядзе цяжкую барацьбу з пластыкам і карыстае з сонечнай энергіі. А вам па сіле кінуць фастфуд і перасесці на ровар? Вы таксама хочаце зберагчы Зямлю для нашчадкаў і жыць здарова і здорава? Тады для Вас – тэма новага «Прывату» №12 – «Жыццё ў натуры». 

Распублічванне нашых герояў – глядзіце ў поўным відэавыпуску: 

Госця ў студыі – экалагістка, юрыстка «Зялёнай сеткі» Іна Панчкоўская. Яна раскажа пра свой прафесійны і экалагічны досвед, а таксама пра нечаканыя прыватныя цікавосткі і раскажа, як скіроўвае сваё лібіда на карысць Планеты…

Экспертка праграмы — фуд-коўч Ксенія Вяцкая ў якасці эксперыменту пакажа, як карысна і нядорага закупіцца на Камароўскім рынку. А эканалічны актывіст і раварыст Кірыл Кудравец на прыкладзе сваіх калег і сябе самога падкажа, як зрабіць першыя крокі да эканалічнага жыцця. Падрабязней 
тут.

"Навучы мяне кахацца" (цалкам, відэа) 12:47 09/09/16

Прэм'ера! «НАВУЧЫ МЯНЕ КАХАЦЦА!» - напраўду прыватны "Прыват" атрымаўся.

Здавальненне, секс, інтымная гармонія… Хочаце даведацца пра гэта больш і на іншым узроўні? Як навучыць кахацца? Як не страціць жадання? Парады ад беларускай секс-трэнеркі. Як ураўнаважыць псіхафізіялагічны стан і палепшыць стасункі са сваймі партнёрамі? Як навучыцца атрымліваць задавальненне? 


У студыі – жывыя кансультацыі ад секс-трэнеркі з гаваркім прозвішчам Марина Кахановская. Сексолаг Мікалай Хвашчынскі дае прафесійныя радзіць, ці можа быць карысным порна, а журналістка-культуролаг Анастасия Зеленкова расказвае пра інтым нашых продка. Выданне цалкам тут. Падрабязней тут.


"Навучы мяне кахацца" (анонс, відэа) 12:55 07/09/16

Як ураўнаважыць псіхалагічна-фізіялагічны стан і палепшыць стасункі са сваймі партнёрамі? Як навучыцца атрымліваць задавальненне? Карысна ды займальна пра гэта і шмат чаго іншага...

"Навучы мяне кахацца!" - анонс прэм'ернага выдання "
Прыват".

“Зоры з асаблівым святлом" / “Прыват” з фатографам Віктарам Малышчыцам (відэа) 12:46 22/02/16

Героі праграмы распавядаюць пра тое, чым яны не дзеляцца нават з сябрамі ў сацыяльных сетках. «Прыват» – душэўна пра чалавечыя душы і мары. 

 Натхненне ці праца? Летуценні ці побыт? Мары і праблемы. Неба і зямля. Герой студыі “Прывату” паказвае беларускае неба і беларускую зямлю ў новым харастве. Нябесны гід, яго натхняюць таямнічыя сузор’і. Але і ў яго жыцці ёсць таямніцы і асаблівыя зорачкі… Незвычайныя дзеці – зорачкі з асаблівым святлом. Гэта клопат, але таксама і натхненне. 
Госць студыі – астраном і фатограф, зоркавы тата Віктар Малышчыц, які ўпершыню распавядзе пра сваю асаблівую дачушку шырокай публіцы. Гераіня праграмы – першая у Беларусі мадэль з дыягназам ДЦП Ангеліна Уэльская і яе прыгаждуня-маці, якая перакананая, што яе дачка выйдзе на подыум разам з Анёламі Victoria's Secret. Эксперт праграмы - кіраўнік Цэнтру дапамогі аўтычным дзецям Вячаслаў Паршута, які выхоўвае сонечнага сына з адпаведным дыягназам, што і падштурхнула яго дапамагаць іншым дзеткам. “Дапамагаючы іншым – дапамагаеш сабе”, сцярджае Вячаслаў. 

 

Незвычайныя ў сваёй моцы і апантанасці героі трэцяга выдання “Прывату” з Валярынай Куставай "Зоры з асаблівым святлом". Вядоўца высвятляе, адкуль бяруць сілы і натхнення яе героі і якія перашкоды і пераадоленні яны сустракаюць на сваім шляху. Ці раўнуе жонка Віктара Малышчыца яго за начных падарожжаў з зоркамі? Чым насамрэч зарабляе знаны фатограф? Ці можа кожны з гледачоў “Белсату” набыць сабе імянную зорку? Якія сузор’і маюць непасрэднае дачыненне да Беларусі? Як гэта – выхоўваць дзетак-зорачак? Што трэба, каб іх жыццё было радасным і напоўненым? Як матываваць дзяцей? Напрыканцы выдання тэкст, у якім культавы фатограф беларускага неба паспрабуе ўгадаць беларускія мясціны і іншаземныя краі па фотаздымках начных зораў… Ці атрымаецца?


“Прыват” з мастачкай Нікай Сандрас: “Жыццё напаказ”: размова на пальцах (відэа) 16:03 17/02/16 1

Героі праграмы распавядаюць пра тое, чым яны не дзеляцца нават з сябрамі ў сацыяльных сетках. «Прыват» – душэўна пра чалавечыя душы і мары


Прынята лічыць, што беларусы – закрытыя людзі, якія стараюцца жыць ціха і непрыкметна, і што шчасце – павінна быць ціхім. Часта сцэнай для тых, хто жыве на публіку, ёсць сацыяльныя сеткі. Кагосьці гэта раздражняе, некага натхняе, многім папросту падабаецца падглядаць за іншымі. Але ёсць сярод нас і тыя, хто не хавае свайго прыватнага жыцця ад чужых вачэй або нават жыве, як можа падацца, напаказ. І гэткая адкрытасць – вабіць! Менавіта такія яны – гераіні чарговага выдання праграмы «Прыват» з паэткаю Валярынаю Куставай. Тэма другога выдання – «Жыццё напаказ». Вядоўца высвятляе, што матывавала гераінь шчыраваць у сацыяльных сетках, выслухоўвае часам шакавальныя і правакацыйныя аповеды. Паслухайце і параўнайце: а ці змаглі б вы так «распублічніцца»? Але ўсё да пары да часу – і настае момант, калі жыццё напаказ спыняецца… Чаму? Прычыны, матывы, плюсы, мінусы, бонусы, рызыкі і небяспекі публічнага віртуальнага жыцця ў другім выданні праграмы “Прыват”. 

 

На рахунку госці студыі багата скандальных публічных шчыраванняў. Часам ейныя аповеды былі правакацыйныя і шакуючымі нават для блізкіх сяброў. Раней працава на высокіх пасадах у рэкламе, выдавецкай справе і аўтабізнесе - у міжнароднай карпарацыі. Кінула працу разам з былым мужам і сябрамі. І пачала новае жыццё. Цяпер мастачка і папулярнай блогерка Ніка Сандрас. У гутарцы з госцяй студыі мы высветлім, навошта ёй была патрэбная такая колькасць споведзяў і чаму ўрэшце яе жыццё напаказ сцішылася? Гераіня сюжэта – журналістка і блогерка Ася Паплаўская. Эксперт праграмы – псіхолаг Мая Тарасевіч.




ПРЭМ'ЕРА TV-шоў "Прыват" з бізнесоўцам Сержам Наўродскім: "Сіці, гудбай!" 14:20 25/01/16

Ну, паехалі! ПРЭМ'ЕРА новай праграмы "Прыват"! Тэма выпуску - "Сіці, Гудбай!": уцёкі ад цывілізацыі - жыццё ў Доме-мары ці ў стайне?) 

Героі праграмы распавядуць пра тое, чым яны не дзеляцца нават з сябрамі ў сацыяльных сетках. «Прыват» – душэўна пра чалавечыя душы і мары. 

«Прыват» сустрэўся з тымі, хто перабраўся ў вёску. Ці складана на гэта наважыцца? Гэта ўцёкі АД сябе ці ДА сябе? Госць студыі – паспяховы бізнесовец, эканамічны аналітык, гаспадар беларускага брэнду мыла і парцаляны Karali – Серж Наўродскі. Героі выдання – даўншыфіцеры і гаспадары «Гняздоўя Вятроў» у Полацкім раёне – праграміст Ratmir Максім Новікаў і ягоная жонка мастачка Элга Папова, якія жывуць у доме-стайні з трыма канямі, катамі і сабакам. Эксперт праграмы – псіхолаг-экзістэнцыяліст Алена Жук. Эксклюзіўны камент ад натхняльнага Андрэя Горвата агучаным цягам гутаркі.

   

Станьце героем «Прывату» або прапануйце тэму, праблему, гісторыю,госця ці героя для наступнага выпуску – і сачыце за падрыхтоўкаю выданняў на старонках праграмы ў сацыяльных сетках.

"Прыват" - шчыра, востра, па-беларуску! (відэа) 19:56 18/01/16 1

Важная ПРЭМ'ЕРА ў маім жыцці. 20 студзеня а 21.40 на "Белсаце" - прэм'ера новай аўтарскай праграмы "Прыват". Тое, што люблю і што, спадзяюся, палюбіце і вы - мая новая аўтарская праграма "Прыват". Шчыра запрашаю далучацца! У добры шлях! 

Суаўтарам можа стаць кожны. Далучайцеся і прапаноўвайце. Гэта будзе супер-інтэрактыўная шчырая праграма, у якой можна стаць сустваральнікам і прапанаваць эксклюзіўныя гісторыя і цікавых герояў, якія паспяхова вырашылі свае жыццёвыя траблы ці ажыццявілі мары - і маюць чым падзяліцца (для студыі) - альбо знаходзяцца на шляху і маюць патрэбу ў разрульванні перашкодаў (для сюжэтаў). ‪Тэма прэм'ернага выдання - "Сіці, гудбай!".


Альтэрнатыўная школа ў Беларусі - ці ёсць яна? (відэа) 16:02 04/01/16 1

Што варта змяніць у сістэме сучаснай адукацыі? Ці можа настаўнік цалкам рэалізавацца ў сучаснай беларускай школе? Ці магчыма практыкаваць індывідуальны падыход пры наяўнасці 40 вучняў у класе? Чым адрозніваецца навучанне ў дзяржаўных і прыватных школках? Плюсы і мінулы хатняга навучання? 


Пра гэта і іншае дыскутуюць госці праграмы - вядомая мінская журналістка, стваральніца альтэрнатыўнай адукацыйнай платформы для дзяцей і дарослых "Таранціна і сыны" Ганна Трубачова і настаўніца, літаратуразнаўца Ганна Севярынец. Эксперты выдання - cупрацоўніца ліцэю БДУ Віка Фаміна і выпускніца Коласаўскага гуманіранага Ліцэю Вера Паклонская. 

Апытанка - ад бацькоў і навучэнцаў 23 гімназіі.  "Чорным па белым", тэма выдання: "Альтэрнатыўная школа ў Беларусі - ці ёсць яна?" - https://youtu.be/9h8bLfegMWI Глядзіце ў XX выпуску IV cезона ‪#‎tv‬ ‪#‎chornym_pa_bielym‬

Месцы сілы: свае і чужыя (відэа) 13:38 24/09/15 2

"Месцы сілы: свае і чужыя" - прэм'ернае выданне пра таямнічае і незразумелае, але здольнае ўплываць на жыцці людзей. Нават на жыццё таго, хто не верыць у цуды і звышсілы. Што агульнага паміж старажытнай магіяй беларусаў і эквадорцаў? Як веды чалавецтва і асобныя традыцыі дапамагаюць цяпер сучаснікам? Ці варта шукаць цуду на іншым баку зямлі, калі побач ёсць сваё Палессе, шаптухі і родныя месцы сілы? Пра гэта і іншае ў праграме разважаюць і дыскутуюць падарожнік, эканаміст Вадзім Карцаў і пісьменнік Віталь Воранаў. 


Чорным па белым. Тэма выдання - "Месцы сілы: свае і чужыя". Эксперт выдання - мульціфаклькларыстка Антаніна Хатэнка, даследчык індэйскіх традыцый Андрэсіта Гран'я, даследчык беларускага паганства Зміцер Скварчэўскі. 
 
Глядзіце ў XIX выпуску IV cезона Чорным па белым на Belsat_TV з Валярынай Куставай і Юляй Рымашэўскай.


Праўда ва ўмовах вайны (Інфармацыйныя войны, відэа) 15:58 29/05/15 2

Чорным па белым. Інфармацыйная вайна вакол нас. Ці існуе праўда і аб’ектыўнасць ва ўмовах вайны? Гарачая дыскусія ў праграме «Чорным па белым» паміж кіраўніком аддзелу інфармацыі Belsat_TV Аляксеем Дзікавіцкім і дацэнтам МГІМО Кірылам Коктышам. 


Праўда ўмовах вайны – ці яна існуе? Ці выпадае казаць пра неабходнасць аб’ектыўнасці журналістаў у часе інфармацыйных і рэальных войнаў? Эксперты выдання – журналіст, рэжысёр Уладзімір Громаў і галоўны рэдактар выдання «Белорусский журнал» Андрэй Аляксандраў. Глядзіце ў XVIII выпуску III cезона «Чорным па белым». 

ПЕРАЕМНАСЦЬ у беларускай культуры (відэа) 19:35 27/04/15 1

Чорным па белым. Тэма выдання - "ПЕРАЕМНАСЦЬ у беларускай культуры".

Ці назіраецца ў беларускай культуры пераемнасць? Наколькі важна творцам валодаць акадэмічнаю школаю? Як адрозніць дылетанта ад прафесіянала? Чаму сучасныя аўтары не цікавяцца творчасцю сваіх папярэднікаў? Ці сапраўды неабходна ведаць традыцыі мастацтва сваёй краіны ды суседзяў, каб пісаць вартасныя, якасныя творы? Пра гэта і многае іншае гутараць і дыскутуюць госці праграмы – драматург, педагог Васіль Дранько-Майсюк і пісьменнік-бумбамлітавец, перакладнік «Дзядоў» Адама Міцкевіча Cерж Мінскевіч.
 
Эксперты выдання - філосаф Валянцін Акудовіч, мастак, старшыня Беларускага саюзу мастакоў Рыгор Сітніца, архітэктурны крытык Аляксандра Баярынa. Глядзіце ў XV выпуску III cезона Чорным па белым на Belsat_TV з Валярынай Куставай і Юляй Рымашэўскай.

Рэалізацыя ў сучаснай Беларусі (відэа, Вайцюшкевіч, Круглова) 11:59 20/03/15 2

Чорным па белым​. Тэма выдання - "Рэалізацыя ў сучаснай Беларусі".
Ці магчыма цалкам творча рэалізавацца ў цяперашняй Беларусі? Каму прасцей - рускамоўным ці беларускамоўным? Ці ёсць у краіне "столь" для самарэалізацыі творцаў? Ці мусяць нацыянальна заангажаваныя асобы больш пільна прытрымлівацца літары закону, распачынаючы сваю справу? У каго прасіць дазвол на канцэрты і як трапіць на афіцыйнае тэлебачанне? Дыскутуюць госці праграмы - рок-князёўна і кіраўніца гурта "Kriwi", што цяпер жыве ў Берліне, Вераніка Круглова​ і беларускі артыст, музыка Зміцер Вайцюшкевіч​. Эксперты выдання - праваабаронца Алена Танкачова​ ды выдавец Ігар Логвінаў​. 
 
Глядзіце ў XII выпуску III cезона Чорным па белым на Belsat_TV з Валярынай Куставай і Юляй Рымашэўскай​ - http://belsat.eu/be/programs/chornym-pa-bielym/realizacyya-suchasnaj-belarusi/
/>

"Міжнародны кінаклуб" (пра кінафестывалі беларускага кіно, відэа) 13:58 22/02/15 3

ЧОРНЫМ ПА БЕЛЫМ. Тэма выдання - "Міжнародны кінаклуб".



Кіраўнік незалежнага кінафестывалю беларускага кіно ў Варшаве "Bulbamovie

На што здольная культура? (відэа) 14:13 03/02/15 1

ЧОРНЫМ ПА БЕЛЫМ. Тэма выдання - "На што здольная культура?"

На што здольная культура? На гэтае пытанне спрабуюць адказаць госці новага выдання "Чорным па белым". Актор і сцэнограф тэатру "Крылы халопа" Сяргей Гайко распавядае пра ўзаемадзеянне гледача і актораў на сцэне, дакументалістка Вольга Мікалайчык разважае, з якой прычыны яе фільмы адносяць да ліку палітычнымі, што з'яўляецца - паводле аўтаркі - памылковым. Не на ўсе пытанні мы знайшлі адказы, далучайцеся да пошукаў! Эксперты выдання - журналіст Алег Ражкоў і Кацярына Гузоўская-Гора, "Дом сонца". Глядзіце ў ІX выпуску III cезона "Чорным па белым" на Belsat TV з Валярынай Куставай і Юляй Рымашэўскай. ВІДЭАВЕРСІЯ ВЫДАННЯ:
 

Кірунак: Усход (відэа) 13:53 27/01/15 1

ЧОРНЫМ ПА БЕЛЫМ. Тэма выдання - "Кірунак: Усход".

Апошнім часам усё больш беларусаў далучаецца да філасофскіх вучэнняў, культаў і светапоглядных сістэмаў Усходу – ёга, будызм, дзэн-будызм, крышнаізм, багаізм… Навошта шукаць найвышэйшую праўду, сэнс жыцця так далёка? Ці не варта беларусам заглыбіцца ў сваё, традыцыйнае, тым ліку ў паганства? І што думаюць пра гэта праваслаўныя атэісты? У дыскусіі бяруць удзел трэнерка ёгі, фотамадэль Вуляна Ашурка і адзін са стваральнікаў цэнтру этнакасмалогіі «Крыўя» Тодар Кашкурэвіч. Эксперты выдання - праваслаўны святар айцец Віталь Харытановіч і падарожніца, фатограф Вольга Качура. Глядзіце ў VIIІ выпуску III cезона Чорным па белым на Belsat TV з Валярынай Куставай і Юляй Рымашэўскай. 



Вышэйшая адукацыя: спроба прагрэсу (відэа) 19:02 26/01/15 1

ЧОРНЫМ ПА БЕЛЫМ: ВЫШЭЙШАЯ АДУКАЦЫЯ: СПРОБА ПРАГРЭСУ.

 

Як беларусы ацэньваюць узровень айчыннай адукацыі? І ці хацелі б яны павучыцца за мяжой? Як ставяцца да Беларусь у Балонскі працэс? Ці варта пакінуць напрацоўкі савецкай адукацыі альбо слепа кіравацца еўрапейскімі узорамі? Дыскутуюць госці праграмы - прагрэсіўны еўрапейскі выкладчык Алесь Лагвінец і доктар гістарычных навук Святлана Куль. Эксперты выдання - незалежная экспертка ў пытаннях адукацыі Святлана Мацкевіч і Алесь Крот, прадстаўнік "Студэнцкай Рады". Глядзіце ў VII выпуску III cезона Чорным па белым на тэлеканале "Белсаце" з Валярына Куставай і Юляй Рымашэўскай.


Фінальны Фітнес-Шмітнес: -45 кг (відэа!) 20:42 23/01/15 2

Фітнес-Шмітнес - ФІНАЛЬНЫ ВЫПУСК! 
Цяпер, калі вы глядзіце фінальны выпуск праграмы і чытаеце гэты блог - Валярына ўжо схуднела на -45 кг і працягвае свой шлях. А Павел, натхніўшыся вынікамі, піша свой новы альбом і працягвае трэніроўкі. Блог №15 на сайце Belsat_TV. А фінальная серыя №13 на Ютубе - 
 
У калядным выніковым выпуску Фітнес-Шмітнес вы даведаецеся, якія метамарфозы адбыліся з паэткай Валярынай Куставай, ці ператварылася яна папросту з няшкі ў фітаняшку, ці стала Валярына балярынай, наколькі пахуднела цягам праекту, за якімі гледачы каналу назіралі практычна год! Якім коштам Валярыне даліся змены - спаленыя нервы, устрыманні, цяжкія трэніроўкі, зрывы... што змянілася ў яе асабістым жыцці ў звязку з праектам, а таксама Вас чакаюць сустрэчы з самым высокім беларускамоўным баскетбалістам Alexander Koul і найлепшым беларускамоўным хірургам, якія павіншуюць нашу фітаняшку з вынікамі! Музыка і трэнер Павел Аракелян правядзе конкурс прыгажосці ў жорстка-іранічным стылі, у якім пераможа... Вы даведаецеся пра гэта ў калядным выпуску Фітнесу-Шмітнесу! А таксама шмат сюрпрызаў і нечаканак у фінальным 13-м выпуску.



Ці лёгка беларусы паддаюцца модзе? (відэа) 11:48 18/12/14 4

Тэма праграмы - "Ці лёгка беларусы паддаюцца модзе?". Ці адчуваюць патрэбу выглядаць модна і калі так, то найперш у чым? Ці можна выхаваць густ і як ён звязаны са смакам да жыцця: пра гэта ў праграме Чорным па белым разважаюць і спрачаюцца стваральніца першага беларускага дызайнерскага кірмашу Central Fashion Market Ганна Цэмкала (Anya Lo) і модны кухар Арына Лісецкая. Эксперты праграмы – мадэльер, аўтар праекту “Тэатр моды “Шафа” Саша Варламаў і пластычны хірург Сяргей Мячкоўскі. 
Глядзіце ў VІI выданні ІІІ сезона ў праграме Чорным па белым з Валярынай Куставай і Юляй Рымашэўскай, відэаверсія



Найстаражытнейшая прафесія (відэа) 13:55 16/12/14 5

Што пісалі ўчора і пішуць сёння беларускія пісьменнікі аб прастытуцыі? Сумленна адлюстроўваюць рэчаіснасць ці развешваюць цэтлікі? Пра гэта ў праграме «Чорным па белым» разважаюць і спрачаюцца пісьменніца, феміністка Святлана Курс і пісьменнік ды тэолаг Віктар Шукеловіч. Эксперт праграмы - літаратуразнаўца Віктар Жыбуль.
Чорным па белым.

Глядзіце ў VІ выпуску III cезона 
Чорным па белым з Валярынай Куставай і Юляй Рымашэўскай, відэаверсія - 


Ці насамрэч беларусы талерантныя? (відэа) 10:58 19/11/14 3

Чорным па белым

Дыскутуюць госці праграмы - гендэрная даследніца феміністка Ірына Саламаціна і выкладнік з 30-гадовым стажам, музыка Аляксей Крукоўскі. Эксперты выдання - сустаршыня "Маладога Фронту" Зміцер Дашкевіч і журналістка "Камсамольскай праўды ў Беларусі" Вольга Анцыповіч. 

Глядзіце ў V выпуску III cезона 
Чорным па белым з Валярынай Куставай і Юляй Рымашэўскай, відэаверсія - 

Нацыянальныя адаптацыі (відэа) 00:35 05/11/14 1

Мода на беларускасць - зло ці дабро? Змагацца ці падтрымліваць? І што гэта - вяртанне каранёў ці украінскі павеў? 

Чорным па белым: "Нацыянальныя адаптацыі" з Валярынай Куставай і Юляй Рымашэўскай. Беларускасць у трэндзе - часовая мода ці маска беларуса? Беларускія татуяванкі, кашулі, фальклёрныя пераасэнсаванні...
У IV выпуску III cезона "Чорным па белым" дыскутуюць даследнік традыцыйнай беларускай культуры, музыка Яўген Барышнікаў і выкладніца, салістка гурта "Shuma" Надзея Чугунова. Эксперты праграмы - спявачка Руся, выкладніца этналогіі і фальклёру Наста Гулак і Анастасія Кухарэнка са Студэнцкага Этнаграфічнага Таварыства.

Творчая сям'я: выклікі і адказы (відэа) 15:02 20/10/14 1

Ён - рок-выканаўца ды паэт, яна - акадэмічная піяністка. Які лёс прагназуе такому шлюбу беларускае грамадства? А які ён, той лёс, насамрэч? У трэцім выпуску новага сезона - "Творчая сям'я: выклікі і адказы", госці праграмы - Аляксандар Памідораў і Даша Мароз. Эксперт праграмы - музыка Марыя Калеснікава. 


У новым выданні "Чорным па белым" з Валярынай Куставай і Юляй Рымашэўскай. Глядзець відэаверсію:

Дзеля чырвонага слоўца: Чорным па белым (+відэа) 13:36 07/10/14 5

У новым выданні Чорным па белым, тэма праграмы - "Дзеля чырвонага слоўца". 
Крытык - гуру альбо вучань? Каго і на што мусіць правакаваць крытыка - аўтара ці чытача? Ці мусіць быць мастацкая і літаратурная крытыка аб'ектыўнай? Сацыёлаг Лідзія Міхеева абвінавачвае паэтку Віку Трэнас у прэснасці, а Віка "прад'яўляе" наўзаем сваёй апанентцы выкарыстанне нецэнзурнай лексікі і суб'ектыўную выбарку аўтараў-любімчыкаў. Каментатары праграмы - Максім Жбанкоў, мэтр уласных патрабаванняў да крытычных артыкулаў (паводле гасцей праграмы), а таксама загадчыца бібліятэкі Людміла Бусел, што раіць чытаць "Кудзесніцу", каб быць абазнаным у літ.навінках школьнікам. Глядзіце ў II выданні ІІІ сезона Чорным па белым з Валярынай Куставай і Юляй Рымашэўскай.
 
 
Праграма «Чорным па белым» выходзіць на Белсат кожную другую сераду а 22:05. Выданне можна глядзець таксама ў онлайнавай трансляцыі на нашым сайце, а пасля эфіру ў архіве глядзіце поўную версію праграмы.



Сціпласць таленавітых і самапіяр бяздарнасцяў (відэа) 12:40 22/09/14 7

Поўнае выданне ЧОРНЫМ ПА БЕЛЫМ з рэжысёрам Віктарам Аслюком і сцэнарыстам Андрэем Курэйчыкам з Валярынай Куставай і Юляй Рымашэўскай. Бульбасваркі і скандалы, піяр і прасоўванне, сціплы талент і нахабная пасрэднасць. Усё гэта тэмы дыскусіі першага выдання ЧпБ у новым сезоне.


Поўнае відэаверсія выдання "Чорным па белым" - "Сціпласць таленавітых і самапіяр бяздарнасцяў"  

Можаце крычаць, здымаць фільмы пра беларускую шляхту ці паказваць камп'ютарнікаў у Менску, – гэта простым чалавекам будзе ўспрымацца як дзіўнасць і дзікасць», – заявіў рэжысёр Віктар Аслюк у праграме «Чорным па белым». Спадар Аслюк падкрэсліў у праграме, што дагэтуль беларускае грамадства застаецца вясковым. «Мы хочам разбурыць усё і хочам быць такімі сучаснымі, але, можа быць, не трэба спяшацца, – заўважыў спадар Аслюк. – Можа, у гэтым ёсць сэнс тых невялікіх магчымасцяў, якія дае мастацтва. Можа быць, нашая гісторыя такая сярмяжная, з аднаго боку, і такая трагічная з Чарнобылем і вайною, пра якую мы так нічога і не знялі». У беларускім кінамастацтве ёсць 3-4 тэмы, які носяць універсальны характар для шмат якіх людзей у свеце. «Тое, што, напрыклад, за 30 гадоў ніхто з беларусаў не падышлі да такой праблемы, як чарнобыльская, – гэта даказвае, што мы элементарныя «імпатэнты», – адзначыў рэжысёр. 

Праграма «Чорным па белым» выходзіць на Белсат кожную другую сераду а 22:05. Выданне можна глядзець таксама ў онлайнавай трансляцыі на нашым сайце, а пасля эфіру ў архіве глядзіце поўную версію праграмы - http://belsat.eu/be/programs/2934/24620/

Cпецвыданне: Фітнес-Шмітнес у Парыжы!) 14:06 30/07/14 1

Блог №4 - Фітнес-Шмітнес у Парыжы! Гэтым разам – менш тэксту, больш візуалкі! “Яна была ў Парыжы – і сам Марсэль Марсо ёй нешта гаварыў…” Так, была ў Парыжы. І здымала там для вас, дарагія гледачы. Карцела перадаць увесь цуд гораду. І аспекты яго ўспрыняцця акурат у звязку з праграмаю Фітнес-Шмітнес, якой кіруюся: як адпачываць так, каб застацца задаволеным сабою і не сапсаваць здароўе. 


Хтосьці называе Парыж кічаватым, халодным, дарагім і маленькім – але такі ён толькі для тых, каму горад не адкрыў сваё сэрца напоўніцу. У нашым выпадку – мы трапілі ў лік тых, каму пашанцавала паразумецца з радзімаю бліскучых паэтаў – Віёна, Апалінэра, Бадлера, Верлена, Рэмбо… З горадам асалодаў і невымоўных грахоў, якія, зрэшты, грэх абмінуць. З горадам пачуццяў, горадам даступным для разнастайных радасцяў.З горадам моды, смачнюшак і натхнёных людзей, што з шармам штовечар гуляюць па Манмартры. З горадам, дзе лепей жыць, але й паміраць – таксама нічога, бо на могілках Пэр-Лашэз вас чакае сапраўды сімпатычная кампанія – Оскар Уайлд, Эдыт Піяф, Фрэдырык Шапэн, Джым Морысан і нават наш беларус, прэзідэнты Рады БНР Мікола Абрамчык. 

Я доўга думала, ці шукаць спартовую залю ў Парыжы. Але першы раз падняўшыся па бясконцых стромных прыступках парыжскага метрапалітэну, зразумела, што трэнажорка тут – непатрэбны лішак. І гэтыя колькі дзён я дам рады пратрымаць сябе ў дынаміцы. Тут быць актыўным і спартовым можна паўсюль, не ахвяруючы часам, магчыма сумяшчаць прыемнае з карысным – зрабіць прабежку па Елісейскіх Палях, узняцца па прыступках Эйфеля, вырашыцца на марш-кідок праз увесь Луўр да “Джаконды” Леанарда да Вінчы, наведаць танцавальны мітынг за вызваленне з-за кратаў прэзідэнта Кот-дЫвуара… Можна есці экзатычных слімачкоў і жабак, і нават лёгкі ранішні круасанчык – і схуднець. Галоўнае, каб затрачаная энергія перавышала энергію здабытую. Ты бярэш у Парыжа эмоцыі, але аддаеш яму сілы. 

Да вашай увагі – мініфільм пра прыгоды Фітнесу-Шмітнесу ў Парыжы:

Новыя памеры ў сталіцы моды. Калі ты едзеш у Парыж і ты дзяўчына – табе абавязкова трэба прыехаць адтуль з парыжскай сукенкай. Я прывезла, нават дзве! Сяброўка з ФБ папрасіла, каб я параіла, у якіх крамах набывала НАШЫЯ памеры, бо ТАКІЯ знойдзеш не паўсюль. І мне давялося адказаць, што цяпер «нашыя» – не мае. Бо мой памер цяпер ёсць практычна ПАЎСЮЛЬ! І ў фірмовых буціках, і ў французскіх фэшн-стоках было даволі лёгка адшукаць неабходныя памеры. А калі ўладальнік крамы – абаяльны француз, пабачыў, як сукенкі сядзяць, то зрабіў зніжку 10 адсоткаў. І сказаў: “Толькі абавязкова выкарыстайце яе па прызначэнні!” Так ён сказаў пра ружовую сукенку маркі “Femmes, je vous aime” (жанчыны, я вас кахаю). Памеры мяне напраўду прыемна ўразілі…


Харчаванне ў падарожжах.  На кожным кутку – кавярні. Па сеціве іх можна загугліць і спраўдзіць меню. Мяне цікавіла, каб была запечаная рыба ці морапрадукты і штосьці накшталт свежай салаткі. Гэта былі асноўныя прыёмы ежы. Порцыя былі не такія гіганцкія, як, прыкладам, у Празе ці Берліне, але і не такія маленькія. Звычайныя такія порцыя – і пад’еў, і не пераеў (бульбяныя дадаткі звычайна заставаліся ці папросту прасіла пакласці больш салаткі). Але праз тое, што я мушу харчавацца 6 разоў на дзень, брала з сабой персікі, чарэшні, арэшкі, кефірчыкі, памідоркі, – загадзя набытыя ў звычайных крамах поруч з гатэлем. Ваду падавалі ва ўсіх кавярнях перад ежай, што мяне цалкам задавальняла – можна было за 25-30 хвілінак выпіць. Але збольшага ваду я таксама насіла з сабою, штодня сыходзіла недзе па 2,5 літры, у сонечныя дні – болей. З іншага боку – і цяжар нейкі ў заплечніку, нагрузачка. Памяталася, што большую частку вады варта ўжываць у першай палове дня, каб не было ацёкаў і лепш працаваў арганізм. А ў другой – перад ежай за хвілін 30-40. Ну і проста – калі хочацца па глыточку. Да таго ж, калі шмат рухаешся на экскурсіях ці проста гулях, альбо ў пошуках магілы Джыма Морысана пад залевай ідзеш угару – піць хочацца. І гэта добра. Набывала 5 літровыя балейкі ў нумар – і не было ўвогуле праблемаў. На ўсялякі выпадак я прыхапіла крыху пратэіну (на выпадак, калі трэба будзе тэрмінова перакусіць, а магчымасці іншай не будзе) – але ён так і не прыдаўся. Хапіла пратэіну ў звараных слімачках ды жабках. Я нават некалькі разоў дазволіла сабе пірожку і круасан (да 12.00, як і завяшчаў трэнер). І ведаеце, у выніку, вярнуўшыся з Парыжу і ўзважыўшыся – я здзівілася: страціла 1,2 кг. Не набрала, а страціла! Дарэчы, не забывайцеся на наш летні таталітазатар! Агучвайце Вашыя версіі на нашых фан-старонках ці наўпрост у каментарах: колькі мусіла б скінуць за лета?!

Творчая эміграцыя - здрада ці выйсце? Чорным па белым (відэа) 12:33 13/06/14 1

Тэма праграмы - "Творчая эміграцыя - здрада ці выйсце?" Ці мусіць творца пакутаваць разам са сваім народам? Ці пісаць там, дзе яму лёгка дыхаецца, дзе ён камфортна пачуваецца? Ці магчыма адчуваць Беларусь на адлегласці настолькі, каб быць адпаведным яе рэаліям у сваіх творах, жывучы за межамі Бацькаўшчыны? Госці праграмы - пісьменніца, журналістка Святлана Курс (Ева Вежнавец) і рэжысёр, дакументаліст Алег Дашкевіч. Эксперты праграмы - Лідзія Савік, Леанід Дранько-Майсюк, Наталка Бабіна. У XI выпуск Чорным па белым з Валярынай Куставай і Юляй Рымашэўскай. 


Відэаверсію глядзіце на сайце Белсату.

Сучаснае фотамастацтва: місія ці рамяство? (відэа) 16:00 03/06/14 2

Тэма праграмы - "Сучаснае фотамастацтва: місія ці рамяство?". Ці лёгка зарабіць мастацтвам на жыццё? Наколькі творца, які працуе на замову, свабодны ў сваёй працы? Ці сур’ёзна ставяцца ў сённяшняй Беларусі да творчых прафесіяў? Пра гэта гутарка з фатографам у жанры ню Алекс Жарнасек і Ксеня Бязрукая, заснавальніцаю фотаагенцтва Paparazzikidz.cz. А таксама - у праграме - НЮ-эксперымент! Эксперт праграмы - Аляксандр Памідораў. X выпуск Чорным па белым з Валярынай Куставай і Юляй Рымашэўскай.

Глядзіце на сайце Белсату - http://goo.gl/Gtc13p і на Ютубе: 

Не праспі новую серыю Фітнес-Шмітнес: як правільна патнець? (відэа) 18:03 27/05/14 2

Пазарамкавы выпуск Фітнес-Шмітнес №11! У ім вы даведаецеся, як правільна патнець, якім чынам салідарнасць пампуецца ў Беларусь, пра вымотвальны крос-фіт на свежым паветры з чэмпіёнкай па армрэслінгу Марыяй Багданавай. А таксама - колькі цісне Павел Аракелян і з кім гойсае на роварах Валярына Кустава па рамантычным Сухарава. Ну і, канечне, новыя серыі "Качарыкаў" і кансультацыі дыетолага і флеболага па вашых заяўках! +БОНУС: пазасцэнарнае збіццё трэнера дзеўкамі. Увага, 18+). 

Фітнес-Шмітнес і нацыянальны БДСМ (відэа) 16:07 18/05/14 1

Феерычны юбілейны выпуск Фітнес-Шмітнес №10! У ім вы даведаецеся пра сумнеўныя сняданкі Lavon Volski, пра інтымныя мары Паўда Аракеляна і ягоных жывёлак, пра нацыянальна-правільныя стоп-словы ў БДСМ ака Уладзімір Някляеў і Пабло Севярынец, пра падарожжа ў Тонунь, арышт і таксоўку на канцэрт Салідарнасці з Сяргеем Пелясам, пра адцісканні на свежым паветры з чэмпіёнкай па армрэслінгу Марыяй Багданавай і практыкаванні для грудзёў, каб умелі рабіць імі так, як Шакіра і Валярына Кустава. Шмат мячыкаў і адказаў любімым феміністкам. Будзьце шчырымі, сябры, і ў ложку, і ў спартазалі! Кажыце пра тое, што вас сапраўды непакоіць - а іначай чорны крумкач пракрычыць: "Nevermore"! 

Глядзіце на сайце Belsat_TV http://goo.gl/R37PkU і на Ютубе - http://youtu.be/bDehZs0xIOg

Беларуская дзіцячая літаратура – каму яна патрэбная? (відэа) 13:28 05/05/14 4

ІX выпуск Чорным па белым. Тэма праграмы - "Беларуская дзіцячая літаратура – каму яна патрэбная?". 
Ці адчуваюць дзіцячыя пісьменнікі ўсведамленне грамадствам іхнай ролі ў фармаванні светапогляду дзіцяці? Ці не муляе нашым аўтарам слава іхных культавых скандынаўскіх калегаў-казачнікаў? Што чытаюць сённяшнія дзеці і ці можна пражыць дзіцячаму пісьменніку з творчасці, друкуючыся толькі на айчынным рынку? Госці праграмы – казачніца Алена Масла і пісьменнік Андрэй Жвалеўскі.Эксперты праграмы - Анастасія Радзікевіч, Яўгенія Пастарнак, Вольга Тамасава. Глядзіце, абмяркоўвайце разам з Валярынай Куставай і Юляй Рымашэўскай.

Загрузка плеера
Крыніца інфармацыі - http://goo.gl/IxUwOs

Хто страляе ў свой народ? (відэа) 10:18 18/04/14 6

Размаўляючы па-расейску - ты страляеш у свой народ": наколькі плённая гэткая рыторыка ў Беларусі? Што памятаюць пра прымусовую беларусізацыю 90-х? У чым прычына фантастычнай папулярнасці гарадскіх моўных курсаў "Мова ці кава"? Ці магчыма прышчапіць людзям культуру і мову прымусова? Ці магчыма "насаджаць" роднае, сваё? Гарачая спрэчка паміж палітыкам Юрасём Беленькім і маскоўскай журналісткай Кацярынай Кібальчыч.

ВІДЭА ПРАГРАМЫ ЦАЛКАМ:

V выпуск Фітнес-Шмітнес: Вольскі, самцы і біцэпс! (відэа) 10:48 09/04/14 16

У новым 5 выпуск Фітнес-Шмітнес - заняткі з суддзём міжнароднай катэгорыі па паўэрліфтынгу і прафесійным фітнес-інструктарам літоўцам Саўлюсам, бег з бітай па Гародні, адказы на Вашыя пытанні з сац.сетак, а таксама разборкі з Лявонам Вольскім і ня толькі - http://goo.gl/axXPf9 

ВІДЭА 5-га ВЫПУСКУ:


САЛІДАРНАСЦЬ па-беларуску ў пекле (відэа) 14:33 07/04/14 1

Пра габрэяў, украінцаў і САЛІДАРНАСЦЬ па-беларуску ў пекле, пра стаўленне да сваіх, пра тое што яны - гэта мы... Знайдзіце 4 хвілінкі, паразважаем разам - http://youtu.be/b07mjCwYCN8



Які гумар беларускі? (відэа) 20:53 02/04/14 14

VІІ выпуск Чорным па белым з Валярына Кустава і Юляй Рымашэўскай. Тэма праграмы - "Які гумар беларускі?". Ці можна выхаваць у сабе пачуццё гумару? Ці мае гумар нацыянальнасць? Пра што жартуюць беларусы? Госці першакрасавіцкага выдання – адмыслоўцы індустрыі гумару, стваральнік першага беларускамоўнага гумарыстычнага шоу «Стэндап-кавярня» Яўген Свірыдовіч і стэндапер з Берасця Александр Янкович. Нашы эксперты - пісьменнік Уладзімір Ліпскі і псіхіятар Ігар Сарокін.


Відэа праграмы: 



Фітнес-Шмітнес: плечы Някляева і размовы з Купалам (відэа) 11:53 01/04/14 3

4-ты падвынікавальны сакавіцкі выпуск Фітнес-Шмітнес! Глядзіце - і Вы даведаецеся: які памер плячэй ва Уладзіміра Някляева, хто ўзгадаў у таталізатары наколькі пахуднела Валярына, ці можа напампаваць дзяўчына да памераў Шварцэнэгера, як падкідвае штангу Аракелян, адказы на Вашыя пытанні, што дасылалі нам у сацыяльныя сеткі, а таксама размовы пра галоўнае з Янка Купала і не толькі - http://youtu.be/sDaOGIndFFoggg

ВІДЭА 4-ГА САКАВІЦКАГА ПАДВЫНІКАВАЛЬНАГА ВЫПУСКУ ФІТНЕС-ШМІТНЕС:

НЕ БУДЗЬ СКОТАМ - ТВОЙ ДЗЕНЬ ВОЛІ! (відэа) 00:27 25/03/14 4

НЕ БУДЗЬ СКОТАМ - ТВОЙ ДЗЕНЬ ВОЛІ! Сябры, да Дня Волі маем для вас сюрпрыз! Вядомыя прадстаўнікі беларускай культуры, мастацтва, спорту і грамадзянскай супольнасці "спяваюць" разам з гуртом "Ляпіс Трубяцкі" песню на верш Янкі Купалы. Адстойвай сваю ідэнтычнасць, мову і культуру, каб захаваць годнасць - не будзь скотам! А мы з табой! КЛІП глядзі тут: http://goo.gl/I5yaoW

Загрузка плеера



У кліпе бралі ўдзел:

Сяргей Філімонаў, вядоўца, крытык
Валярына Кустава, літаратарка, вядоўца
Андрэй Курэйчык, сцэнарыст
Сяргей Харэўскі, мастацтвазнавец, вядоўца
Аляксандр Куль, баскетбаліст, чэмпіён Еўропы
Віталь Гуркоў, кікбаксёр, чэмпіён свету
Алесь Залеўскі, тэлежурналіст
Святлана Калінкіна, журналістка
Макс Жбанкоў, крытык, вядоўца
Аляксандр Баразенка, тэлеаператар
Яўген Ліпковіч, блогер
Кацярына Кібальчыч, тэлежурналістка

У кліпе выкарыстаны твор гурта «Ляпіс Трубяцкі» «Не быць скотам» на верш Янкі Купалы

Культура. Адказнасць. СМІ. (відэа) 11:07 20/03/14 4

VІ выпуск Чорным па белым з Валярына Кустава і Юляй Рымашэўскай. Тэма праграмы - "Культура. Адказнасць. СМІ.". Ці маюць СМІ абавязкі перад чытачамі ды гледачамі? І ці давяраюць тыя медыям? Ці здольныя беларускія СМІ выхоўваць грамадства? І ці мусяць гэтым займацца? Пра гэта ўсё дыскутуюць журналіст, блогер Севярын Квяткоўскі і дырэктарка менскага гарадскога інтэрнэт-часопісу "CityDog" Ірына Віданава. Эксперты праграмы - Аляксандр Класкоўскі, Зміцер Панкавец, Ірына Козлік.



ВІДЭА ПРАГРАМЫ:

Фітнес-Шмітнес. Трэнінг №2 12:27 18/03/14 1

Тым часам з'явіўся Другі трэнінг першага аздараўляльна-забаўляльнага шоў Фітнес-Шмітнес!


Запрашаем глядзець, лайкаць, рэагаваць:
 
Хутка і дадатковыя матэрыялы з'явяцца ака карысныя парады-бонусы тутака: http://goo.gl/ZYbzPO


Першае беларускае аздараўляльна-забаўляльнае шоў! (відэа) 13:54 10/03/14 1

Вы хочаце змяніцца? Схуднець? Стаць моцным або проста адпачыць і пасмяяцца? Гэтая праграма для Вас! Першае беларускае аздараўляльна-забаўляльнае шоу "Фітнес-Шмітнес" з элементамі буфанады, інтэрактыву і лёгкай эротыкі з паэткаю Валярынаю Куставай і музыкам Паўлам Аракелянам. А таксама з прафесійнымі трэнерамі, лекарамі, пластычнымі хірургамі, чэмпіёнамі свету ў розных відах спорту. І ўсё гэта – дзеля таго, каб спыніць беларускую дэпрэсію, сказаць «не!» беларускай апатыі, сказаць «так!» разумнай прыгожай нацыі, здольнай за сябе пастаяць! Праграма будзе ісці кожную суботу а 18.30 на тэлеканале “Белсат”. Пілотны выпуск пабачыў свет – 8 сакавіка. FB!1
АФІЦЫЙНЫ ТРЭЙЛЕР:   
Іt's really hot, спадарства! Прадстаўляем першае выданне! Вам спатрэбіцца пачуццё гумару ды нататнік з асадкай! Трэнінг №1:

Мода на святы (відэа) 15:39 08/03/14 2

V выпуск Чорным па белым з Валярынай Куставай і Юляй Рымашэўскай. Тэма праграмы - "Мода на святы".

8 сакавіка - вольнасць габрэйскі блудніцаў ці савецкая прыдумка?

Ці варта змагацца за наданне беларускім народным святам статусу дзяржаўных? Ці рабіць іх выходнымі днямі? Хто выхоўвае стаўленне да традыцыяў сакральных святкаванняў – сям’я ці грамадства? Нестандартнымі рэцэптамі папулярызацыі традыцыйных святаў дзеляцца блогер, пісьменнік Яўген Ліпковіч і этнакультуролаг, паэтка Антаніна Хатэнка. Эксперты праграмы - Яўген Барышнікаў, Хрысціна Вітушка.

Відэа праграмы:

Творцы салідарныя з Украінай (відэа) 11:22 05/03/14 1

Свет салідарны з Украінаю, а шматлікія акцыі салідарнасці праходзяць у розных краінах. Словы падтрымання гучаць з вуснаў не толькі палітыкаў, але і музыкаў, пісьменнікаў і актораў. Творчая салідарнасць. Украінскія, расійскія, польскія, беларускія, амерыканскія творцы выказаліся ў падтрымку Герояў і Ахвяраў украінскага Майдану. 

Бывайце, дзядзька Рыгор Барадулін... (відэа) 17:08 04/03/14 1

Божа, які боль, якая страта. Не верыцца... Дзядзька Рыгор, родны... Памёр Рыгор Барадулін. Чорны, чорны, чорны дзень... Мілы Божанька, прымі светлую душу найшчырага беларуса, геніяльнага паэта, настаўніка, чалавека, што любіў жыццё... Плача ўся Беларусь. Сардэчныя спачуванні крэўным і сябрам... І чытачам. 

Бывайце, дзядзька Рыгор... Абдымаю Вас з зямлі. Няхай Ойча Наш, што ў Нябёсах, Вашую душу ў мілату ды лагоду адпусьціць на вячніны вячнін. Амін. 

Чаму у музеі не стаяць чэргі, як у Маўзалей? (відэа) 11:08 01/03/14 1

Чаму у беларускія музеі не стаяць чэргі, як у Маўзалей? Ці беларускія літаратурныя класікі - гэта сэксі? Чаму дырэктар Музею апраўдвае рашэнне міністэрства панізіць статус музея? Атрымалася гарачая дыскусія і цікавая расстаноўка пазіцый. 

IV выпуск Чорным па белым у новым сезоне. Тэма праграмы - "Музей Паэта". Паніжэнне статусу Максім Багдановіч Літаратурны музей -- гэта спроба звузіць прастору беларускае культуры ці проста фармальнасць? Пра гэта дыскутуюць госці праграмы -- цяперашняя дырэктарка ўстановы Таццяна Шэляговіч і празаік, колішняя працаўніца музею Паліна Сцепаненка

Эксперты праграмы - Анатоль Івашчанка, Ніна Шыдлоўская, Аляксандр Васілевіч. 

Вядоўцы праграмы - Валярына Кустава i Юля Рымашэўская. 

Глядзіце самі - цяпер і на Ютубе: 





Літаратурныя чытанні ў памяць герояў Майдану (відэа) 13:30 26/02/14 1

Літаратурныя чытанні ў памяць герояў Майдану прайшлі 24 лютага на Сядзібе БНФ. Уладзімер Арлоў, Кася Камоцкая, Лявон Вольскі, Павел Аракелян, Барыс Пятровіч, Наталка Бабіна, Міхась Скобла, Алесь Пашкевіч, Славамір Адамовіч, Андрэй Хадановіч, Усевалад Сцебурака і многія іншыя. Дзякуй арганізатарам, добрая ініцыятыва!

Загрузка плеера
Рэпартаж і відэа з акцыі на НН тут і рэпартаж Белсату з акцыі.


У Дзень роднай мовы – разам з Украінаю. Відэа-дыктоўка. 02:59 22/02/14 4

Нашумелыя моўныя курсы «Мова ці кава» адмыслова ў Дзень роднай мовы падрыхтавалі вiдэа Агульнанацыянальнай беларускай дыктоўкi. Тэкстам стаўся верш-гімн выбітнай беларускай паэткі-эмігранткі Наталлі Арсенневай «Магутны Божа».
 

Тэкст чыталі Валярына Кустава, Франак Вячорка, Алесь Залеўскi, Уладзь Лянкевiч, Мікіта Недаверкаў, Алена Пятровіч. Здымала і мантавала Наталля Каварская. Падрабязней - тут.

"Што табе, паэту, да палітыкі?" (відэа) 14:43 10/02/14 1

Творчасць і палітыка -- ці спалучальныя яны? А мо выключаюць адна адну ў чыстым выглядзе? Ці да іх усё ж можна прыкласці гандлёва-эканамічныя меркі? Гэтыя пытанні мы абмяркоўваем з палітычна вядомым паэтам ды знакамітым літаратарам Уладзімірам Някляевым і папулярным маладым апалітычным пісьменнікам Віталём Рыжковым. У новым выданні «Чорным па белым» вы даведаецеся, чаму Някляеў верыў ва ўласную перамогу на выбарах, пра што шкадуе, а пра што згадвае з гонарам сёння. Паэт падзяліўся, каму з кім ён здраджваў і як баяўся, што ад яго сыдзе яна... Хто гэтая яна? -- глядзіце ў выданні ЧОРНЫМ ПА БЕЛЫМ: Што табе, паэту, да палітыкі? 

ВІДЭА ВЫПУСКУ:

Колькі на Менскім кірмашы кніг на беларускай мове? 12:47 09/02/14 3

У "Гарачым каментары" пра адкрыццё Менскага кніжнага кірмашу, незалежныя выдавецтвы, галерэю Ў, курсы "Мова ці кава", і НЕНАРМАЛЬНУЮ беларускую літаратуру як брэнд без мэнеджменгу, але з еўрапейскай перспектывай. 

"Палюбіць Саладуху!" (відэа) 01:10 25/01/14 4

"Палюбіць Сададуху" - ІІ выданне Чорным па белым. Спрабуем разабрацца: ці варта любіць усё «сваё», не зважаючы на якасць? І ці варта ганьбіць і абясцэньваць сваіх, бо яны не крутыя – модныя – замежнікі. Госці праграмы - юрыст Дар'я Каткоўская і публіцыст Стась Карпаў. Эксперты - журналіст Глеб Лабадзенка і гукарэжысёр Аляксандр Сінкевіч. Асьцярожна: у эфіры выкарыстаныя фрагменты танцаў пад Саладуху! Арыгінал глядзець тут - http://goo.gl/UkSjou


Недаатрыманы Нобель Чорным па белым (відэа) 23:30 09/01/14

Традыцыйна Новы год - нагода падвынікаваць год мінулы, пацешыцца дасягненням і перамогам. Але ці было з чаго цешыцца беларускай культуры ў 2013? У выдавецтва Ігара Логвінава забралі ліцэнзію, Міністэрства культуры знізіла статус Музея Багдановіча да ўзроўню філіялу, Святлана Алексіевіч "праляцела" над Нобелеўскай прэміяй. Хто вінаваты і што рабіць? Пра гэта спрачаюцца госці праграмы "Чорным па белым" - выдавец Ігар Логвінаў і літаратуразнаўца Ціхан Чарнякевіч. Эксперты праграмы - празаік Барыс Пятровіч, перакладніца Марына Шода, літаратурны крытык Ганна Янкута. Першы выпуск "Чорным па белым" у новым сезоне ў новай студыі па-новаму. Тэма праграмы - "Недаатрыманы Нобель". 

 


НАЦЫЯНАЛЬНАЕ КІНО вачыма маладых (+відэа) 12:00 22/05/13 2

НАЦЫЯНАЛЬНАЕ КІНО вачыма маладых. У новым выпуску Чорным па белым. Нашы госьці - моладзевы актывіст, журналіст, суаўтар "Жыве Беларусь!" Франак Вячорка i рэжысёрка, паэтка Ганна Федарук. Нашыя феерычныя камэнтатары - драматург Андрэй Курэйчык, крытык буржуазнай культуры Сяргей Філімонаў i кіназнаўца Наталля Агафонава.

ВІДЭА ВЫПУСКУ: НАЦЫЯНАЛЬНАЕ КІНО ВАЧЫМА МАЛАДЫХ:
Загрузка плеера

Таксама па тэме чытайце:
1. рэцэнзія "Бомба жывой Беларусі" на фільм "Жыве Беларусь!".
2. "Жыве Беларусь!" - працяг будзе.

Сэксуальная канкурэнцыя на ТV (+ відэа) 21:57 13/04/13 34

Сэксуальная канкурэнцыя на ТV. Ёсць версія, што каб перабіць рэйтынгі нашай інсітуацыйнай(с) праграмы "Чорным па белым" пра "Сэксуальную арыентацыю..." - БелМузТВ урубіла жорсткую парнушку наўпрост сярод дзённага суботняга эфіру. Во гэта метады канкурэнцыі і змаганне за гледача... 







Наша сціплае сумнеўнае ВІДЭА:



 



P.S. А так канкурэнты забаўляліся на БелМузТВ (Увага! +18)

Фота (с) voolchitza

"Чорным па белым": ЦІ ФЕМІНІСТКА Я? (відэа) 14:56 18/03/13 6

Чым ёсць ідэальны фемінізм – канём апакаліпсісу, перадумовай стварэння шарыяцкага грамадства, закатам Еўропы, утопіяй? альбо ідылічным светам, дзе кожны папросту займаецца тым, што любіць. Няўжо ўсе феміністкі напраўду праблемныя жанчыны? Альбо тыя – што здольныя бачыць праблемы? Да таго ж – не толькі свае… Ці пойдзе шчаслівая кабета ў феміністкі?



Моцны слабы пол не асэнсоўвае сваёй прыналежнасці да феміністычнага руху, альбо папросту нават не здагадваецца пра яго існаванне. Ці феміністка я, ці фэміністка вы – паспрабуем разам разабрацца ў гэтым з журналісткай з Бэрліну Жанай Кромэр і праваабронцай маці чатырох дзяцей Таццянай Гацурай-Яворскай. Будзе бойка светаглядаў ці жаночая салідарнасць усё ж прымірыць кабетаў? Нашыя феерычныя каментатары публіцыст з Лондану Алесь Чайчыц, філосаф Аляксей Дзермант і філолаг Вольга Гапеева дапамогуць нам.






Чорным па белым. Чым ёсць фемінізм у беларускім грамадстве:


Загрузка плеера




Крыніца ВІДЭА: http://bit.ly/WM5nEk

Той дзень (+відэа) 11:41 19/12/12 3



Відэа = тут





У МАЁЙ КРАІНЕ ВАЙНА

 

У маёй краіне вайна.

Кроў на душах,

кроў на сьнягах.

І балюча нават у снах.

Ад таго і сноў больш няма.

 

У маёй краіне вайна.

З ночы і

ажно давідна.

І ніяк ня сыйдзе зіма,

і ніяк не пачнецца вясна,

бо ў маёй краіне вайна.

 

Гэткіх зімаў ня помніць ніхто.

Не было шчэ жалезнай зімы.

Каб сьняжынкі лавілі ў сіло.

Каб, як турмы, стаялі дамы.

 

І на голы лес гром упаў.

Быць бядзе, браце, быць бядзе.

Той хто шчасьця свайго ня знаў,

той чужое сабе ўкрадзе.

 

Пасярод краіны сьцяна,

за сьцяною з табою мы –

пілігрымы тае вайны –

прычакаем канец зімы.

 



ЦІ ПРЫЙДУЦЬ ЯНЫ ЗА ТАБОЙ…

 

Быў шанец сысьці

з крывёю

меншай…

Ня выпапала.

Вайна забірае найлепшых.

Б’е ў дыхала іх.

 

Ці прыйдуць яны за табой,

хлопчык мой…

мілы мой.

Як іх трымае зямля,

дзяўчынка мая…

мілая.

 

І гэта ўжо ненармальна,

калі ты мне сьнішся штоночы.

Было б ідэальна

сустрэцца

жывымі

аднойчы.

 

Бог і любоў з табою.

Шанец утоплены ў Леце.

Сумна, трывожна да болю

у беларускім сьвеце.

 

Ці прыйдуць яны за табой,

хлопчык мой…

мілы мой.

Як іх трымае зямля,

дзяўчынка мая…

мілая.



І гэта ўжо ненармальна,

калі ты мне сьнішся штоночы.

Было б ідэальна

сустрэцца

жывымі

аднойчы.



Бог і любоў з табою.

Шанец утоплены ў Леце.

Сумна, трывожна да болю

у беларускім сьвеце.

 

Ці прыйдуць яны за табой,

хлопчык мой…

мілы мой.

Як іх трымае зямля,

дзяўчынка мая…

мілая.

 

2010/11, крыніцы інфы - тут.

Інтэрв'ю ў жанры допыту (відэа) 14:32 12/11/12

Што адбываецца з беларускаю літаратураю? Яна дэградуе, нараджаючы маргінальных аўтараў, ці ў яе «ломка» перад тым, як прадэманстраваць свету творцаў першых беларускіх бестселераў ХХІ стагоддзя? Валярына высвятляе: «Маладафронтаўка» – палітычная фантазія з эратычным падтэкстам ці жорсткая беларуская праўда? [B]



Да апошняга Віктар Шукеловіч, аўтар скандальнага тэксту «Маладафронтаўка», надоечы надрукаванага ў «Нашай Ніве», адмаўляўся ад інтэрв’ю. А тым больш не пагаджаўся паказваць свайго твару. І падставы для гэтага ён меў: пасля правакацыйнай публікацыі, на адрас аўтара пачалі прыходзіць лісты з абразамі ды пагрозамі. 



Эксперыментальнае  інтэрв'ю лабараторнага web-tv да Вашай увагі:







Актуальна пасля прагляду: адмысловы мем ад (с) Валеры Журовіч smile;)














302 спартанцы змяняюць беларускі свет (відэа) 19:00 05/11/12

"Пра праблемы і шляхі папулярызацыі беларускай культуры, мовы, літаратуры" ў аўтарска праграме Паўла Мажэйкі і Змітра Гурневіча "Два на два" разважаюць Валярына Кустава і Глеб Лабадзенка.   Відэа, поўна версія:

 


Бел.Культура ў аБЛОЗЕ 07:34 27/10/12 1

Для тых, хто сёння (фізічна альбо віртуальна) кіруе на Вільню...

27 кастрычніка, субота, 21:15 у праграме Паўла Мажэйкі і Зьмітра Гурневіча "Два на Два" Валярына Кустава і Глеб Лабадзенка - пра праблемы папулярызацыі беларускай культуры.


Анонс:
Загрузка плеера


"Калі знішчаецца розум - знішчаецца свабода". Гутарка пра "штучныя нязручнасці" для беларускіх творцаў і інтэлектуалаў.

У "Гарачым каментары":
Загрузка плеера
Areszka Vaclau8
Miкалай Галко 4
Агафонов Артем15
Астаповіч Антон189
Атаманчик Кирилл10
Афанасьев Марат2
Балыкин Сергей59
Баранчик Юрий26
Бародка Змiцер12
Бастунец Aндрей4
Берникович Ярослав
Бондаренко Андрей6
Бондарчук Дмитрий 1
Борисов Игорь 1
Бухвостов Александр42
Бяляцкі Алесь32
Варламов
Васьковіч Яўген 1
Васілевіч Наталля16
Виноградов Павел27
Возняк Сергей2
Волчанин Александр130
Волчек Олег48
Вольскі Лявон
Воронежцев Юрий29
Вячорка Вінцук3
Гайдукевич Олег158
Галко Дзмiтры 1
Глушаков Юрий2
Гончар Юрий10
Горбачев Виктор21
Грачанікава Тацяна53
Губаревич Юрий13
Гузь Игорь4
Гурневіч Дзмітры59
Дашкевич Денис11
Дашкевіч Зьміцер76
Дзмітрыеў Андрэй 173
Добровольский Александр
Драко Игорь107
Дудкин Вячеслав20
Дудкін Яўген
Егоров Андрей2
Елисеев Алексей2
Закревская Оксана8
Залеўскі Алесь2
Знавец Павел260
Ивашкевич Виктор18
Кавалькова Вольга8
Кадыров Михаил233
Канапацкая Ганна4
Карач Ольга68
Карлюк Кирилл
Карпаў Стась14
Квятковский Северин3
Ким Андрей3
Кобрусеў Дзяніс4
Корбан Олег13
Короткевич Татьяна70
Коршунов Станислав
Костка Валерий 1
Краўцэвіч Аляксандар6
Кузнецов Павел4
Кузнецов Пётр80
Кулинка Наталья5
Кустава Валярына93
Лабковіч Уладзімір2
Лавникевич Денис16
Лагвінец Алесь
Лазаренков Валентин19
Лебедько Анатолий527
Ледник Игорь29
Лисецкая Арина3
Лінкевіч Алена
Мажейка Павел
Марголин Лев79
Мартинович Виктор4
Марцелев Сергей26
Масловский Игорь52
Мельников Игорь81
Микулин Александр
Мирзаянова Людмила40
Михалевич Алесь10
Михалок Сергей
Мяцеліца Алег
Навіцкі Юрась84
Насанович Лариса11
Невар Леонид5
Николюк Сергей3
Новиков Олег3
Новикова Татьяна74
Новосяд Владимир27
Някляеў Уладзiмiр200
Огурцов Евгений124
Палажанка Наста5
Парсюкевич Сергей3
Паулау Пит
Пашкевич Михаил9
Паўлаў Піт
Петрушкевич Дмитрий5
Пикулик Алексей1
Подберезский Дмитрий3
Подгол Владимир366
Помидоров Александр4
Почобут Анджей72
Ревяко Татьяна3
Рымашэўскі Віталь97
Рынкевич Игорь15
Сагидулина Лидия14
Садовская Мария5
Садовский Петр8
Самуйлова Оксана7
Санотенко Анатолий22
Севярынец Павел156
Случак Ігар30
Солодкий Юрий9
Стариков Артем
Статкевич Екатерина3
Стэфановіч Валянцін4
Суднік Станіслаў7
Сілкоў Алесь1
Сіўчык Вячаслаў1
Тарайкевич Маргарита106
Тимошек Зинаида
Томкович Александр
Федута Александр26
Финькевич Артур4
Франак Вячорка11
Фролов Валерий20
Халип Владимир
Хомич Марина8
Чайчыц Алесь64
Чаусов Юрий
Шеремет Павел192
Шумченко Анатолий111
Шутов Алесь11
Шыталь Кастусь4
Шэiн Аляксей4
Щекаревич Игорь19
Щукин Валерий96
Юрий Алейник6
Янукевич Алексей2