4 лютага: лекцыя Ўладзіміра Мацкевіча ў Маскве, сустрэча маскоўскіх беларусаў

Маскоўскае таварыства беларускай культуры імя Францішка Скарыны сардэчна запрашае на лекцыю беларускага філосафа і палітолага Ўладзіміра Мацкевіча.
Тэма лекцыі: "Геапалітычныя перспектывы Беларусі: незалежнасць ці інкарпарацыя?"

4 лютага 2012 г.

Расійская дзяржаўная бібліятэка (ст. м. Бібліятэка імя Леніна, вул. Ваздвіжанка д. 3/5), 3-ці пад'езд, выстаўная зала.

Пачатак сустрэчы, а 13:00. Уваход вольны.


Лекцыя пройдзе на беларускай мове.

* * *

Уладзімір Мацкевіч нарадзіўся ў Сібіры ў дэпартаванай з Заходняй Беларусі сям'і. У 1982 скончыў факультэт псіхалогіі Ленінградскага дзяржаўнага універсітэта. У 1983-87 працаваў навуковым супрацоўнікам, загадчыкам лабараторыі кафедры прыкладной сацыялогіі, псіхалогіі і педагогікі Ленінградскага інстытута чыгуначнага транспарту. У 1987-89 – выкладчык ліепайскага педагагічнага інстытута (Латвія). У 1988-94 займаўся арганізацыйным кансалтынгам ў Рызе, Краснаярску, Маскве, Караляўцы. У 1991-92 быў дарадцам ў Дэпартаменце па нацыянальных пытаннях першага ўраду Латвійскай Рэспублікі. У 1995-97 з'яўляўся распрацоўнікам, аўтарам і вядучым трох цыклавых перадач на Беларускай тэлевізіі, арганізатарам сеткі метадалагічных і філасофскіх семінараў у Менску, кансультантам бізнэс-праектаў. З 1997 – начальнік аддзела метадалогіі Рэспубліканскага інстытута прафесійнай адукацыі.

З'яўляецца распрацоўшчыкам "Канцэпцыі абнаўлення гуманітарнай адукацыі" (Фонд Сораса, 1997), а таксама распрацоўшчыкам "Канцэпцыі забеспячэння функцыянальнай пісьменнасці ў Беларусі" (UNESCO, Міністэрства адукацыі Рэспублікі Беларусь, 2000). Ініцыятар і ўдзельнік "Мінскага філязофскага кола". Член Усесаюзнага таварыства псіхолагаў (з 1982), заснавальнік і кіраўнік беларускага Агенцтва гуманітарных тэхналогій (1994). Быў членам Нацыянальнага камітэта і Палітрады Аб'яднанай грамадзянскай партыі (1995-1998), членам аргкамітэта "Хартыі-97" (аўтар тэксту Хартыі), кансультантам Кангрэса дэмакратычных прафсаюзаў (1998-1999).

Аўтар больш за 100 публіцыстычных артыкулаў і каля 50 навуковых прац.

***

Пасля лекцыі – нефармальная сустрэча ў рэстаране "Белая Русь". Таксама запрашаем на яе беларусаў, якія бяруць удзел у суботняй дэманстрацыі расійскай апазіцыі. Яна скончыцца на Балотнай плошчы, што зусім недалёка ад Бібліятэкі.

***

Суполка маскоўскіх беларусаў на Facebook:

https://www.facebook.com/groups/102432553194569/
31.01.12 0:19
загружаются комментарии

Алесь Чайчыц