21 лютага – Міжнародны Дзень роднай мовы

Міжнародны дзень роднай мовы, міжнародны дзень матчынай мовы – адмысловы дзень абвешчаны на 30-й сесii ЮНЭСКА па прапанове Бангладэш (1999). Мае на мэце заахвочванне лінгвістычнай разнастайнасці і шматмоўнай адукацыі, а таксама спрыянне ўсведамленню моўных і культурных традыцый, якія грунтуюцца на ўзаемаразуменні, талерантнасці і дыялогу. Дзень святкавання – 21 лютага быў абраны таму, што ў гэты дзень у 1952 загінулі пяць студэнтаў, якія змагаліся за наданне мове бангла статусу дзяржаўнай у тагачасным Пакістане, усходняя частка якога пазней стала незалежнай дзяржавай Бангладэш.

21 ЛЮТАГА 2011 ГОДА (панядзелак)

З нагоды Міжнароднага дня роднай мовы ГА "Таварыства беларускай мовы імя Францішка Скарыны" і Літаратурны музей імя Максіма Багдановіча праводзяць 4-ю Усебеларускую дыктоўку ў зале музея.

Тэксты для дыктовак падрыхтаваны на аснове твораў Максіма Багдановіча, юбілей якога мы адзначаем сёлета.

Пачатак мерапрыемства а 18 -й гадзіне.

Запрашаюцца ўсе ахвотныя. Актыўныя ўдзельнікі атрымаюць прызы.

Музей размешчаны ў Траецкім прадмесці: г. Менск, вул. М. Багдановіча, 7а.

Тыя, хто не патрапіць на дыктоўку ў Літаратурны музей імя Максіма Багдановіча, зможа напісаць яе 23 лютага 2011 года (серада) ў сядзібе ТБМ (вул. Румянцава,13). Пачатак 18.00. Уваход вольны.

Шаноўнае спадарства!

Запрашаем прыняць удзел у IV Агульнанацыянальнай дыктоўцы да Міжнароднага дня роднай мовы

19 лютага 2011 года (субота), 12.00, г. Бярозаўка, Лідскага р-на – чытальная зала Бярозаўскай гарадской бібліятэкі.

20 лютага 2011 года (нядзеля), 10.30, г. Ліда – чытальная зала Лідскай цэнтральнай раённай бібліятэкі імя Янкі Купалы.
14.02.11 18:00



Cервис комментирования Disqus позволяет легко авторизоваться через фэйсбук и твиттер, а также напрямую в Disqus. Даёт возможность репостить комментарии в фэйсбук, а также использовать изображения. 
Подробнее читайте здесь.
Ветеранам Клуба Партизан, мы оставляем и старую форму авторизации.
 
загружаются комментарии

Станіслаў Суднік