АКТУАЛЬНЫЯ ТЭМЫ: Выбары-2018 Шпіёнаманія Рэформа адукацыі Дзедаўшчына ў войску Дэкрэт пра дармаедаў Забойства Паўла Шарамета

Беларусы ва Украіне атрымалі штраф за георгіеўскую стужку

Беларусы ва Украіне  атрымалі штраф за георгіеўскую стужку 11.01.2018
Беларусы ва Украіне адмовіліся здымаць георгіеўскую стужку з машыны — мясцовы дэпутат выклікаў на іх паліцыю і ветэранаў АТА.


10 студзеня машыну, на лабавым шкле якой быў сцяжок з выявай георгіеўскай стужкі заўважыў дэпутат Івана-Франкоўскай мясцовай рады. Аўто належыла пяцярым беларусам — трое мужчынаў і дзве жанчыны прыехалі ў Карпаты як турысты.

 

Украінец Андрэй Марыйчын прапанаваў беларусам зняць стужку, тыя адмовіліся, паведамляе ўкраінскае выданне Курс. Тады ён скруціў нумары ад машыны, каб турысты не з’ехалі, і выклікаў паліцыю. Таксама дэпутат пазваніў сябрам-ветэранам АТА.

 

Прыехалі і першыя, і другія. Паліцыя растлумачыла турыстам, што ва Украіне георгіеўская стужка заканадаўча забароненая. Беларусаў адвезлі ў паліцыю, пасля прысудзілі максімальна магчымы штраф памерам у 2,5 тысячы грывен (каля 180 рублёў).

 

 

 «Перад паліцыяй прыехалі нашы хлопцы-аташнікі, чалавек 20, так што беларусы надоўга запомняць, якую сімволіку тут можна выкарыстоўваць. Суд і паліцыя — тое было для іх ужо як памілаванне», — паведаміў Андрэй Марыйчын.

па інф. НН


Дата создания: 11.01.2018 18:44:30

Возврат к списку