Нацбанк Украйны выпусьціць у зварот манэту з сымболем Эўромайдану 17.02.2015

Нацбанк Украйны выпусьціць у абарачэньне манэту з падпаленымі шынамі


Нацыянальны банк Украйны аб'явіў пра выпуск у абарачэньне сэрыі памятных манэт «Гэроям Майдана». Яны прысьвечаныя ўгодкам масавых акцыяў пратэсту ў Кіеве, якія скончыліся ў лютым 2014-га зьвяржэньнем рэжыму Віктара Януковіча. У склад сэрыі ўваходзяць манэты «Эўромайдан», «Нябёсная сотня» і «Рэвалюцыя годнасьці» наміналам у 5 грыўняў, дыямэтром 35 мм і вагой
16.54 г. Катэгорыя якасьці чэканкі - спэцыяльны анцыркулейтэд рыфлены.


Манэты вырабленыя з нэйзільбэра, наклад кожнай зь іх складае 50 тыс. асобнікоў. У зварот новыя манэты паступяць 18 лютага, роўна праз год пасьля таго, як у цэнтры Кіева пачаліся сутыкненьні падраздзяленняў «Бэркута» і ўнутраных войскаў з пратэстуючымі, у выніку чаго загінулі дзясяткі і былі параненыя сотні чалавек.


РЭВАЛЮЦЫЯ  ГОДНАСЬЦІ

1. Манэта РЭВАЛЮЦЫЯ  ГОДНАСЬЦІ. Прысьвечаная грамадзянскай мужнасьці і патрыятызму, якія выявілі грамадзяне Украйны ўсіх нацыянальнасьцяў, імкнучыся разьвіваць і ўмацоўваць дэмакратычную дзяржаву, канстытуцыйныя асновы дэмакратыі, правы й свабоды чалавека.


На аверсе манэты на люстраным тле звона ўверсе надпіс - УКРАЙНА, пад якім намаляваны ўдзельнік акцыяў пратэсту з адабраным у гвардзейца мэталёвым шчытом; на рэльефным тле манеты ў выглядзе полымя разьмешчаны малы Дзяржаўны Гэрб Украйны (з правага боку) і намінал 5 грыўняў, год чаканкі манэты - 2015, лягатып Манэтнага двара Нацыянальнага банка Ўкраіны (зь левага боку).


На адваротным баку манэты намаляваная кампазыцыя ў верлядзе крыжа: адзін з фрагмэнтоў падзеяў - сілавое супроцьстаяньне, полымя і шыны, якія ляцяць у агонь, што сталі адным з сымбаляў тагачасных падзеяў (выкарыстаны тампадрук), уверсе стылізаваны надпіс - РЭВАЛЮЦЫЯ  ГОДНАСЬЦІ.

Мастак: Таран Уладзімер, Харукі Аляксандр, Харукі Сяргей

Скульптар: Іваненка Сьвятаслаў


НЯБЁСНАЯ СОТНЯ
2. Манэта НЯБЁСНАЯ СОТНЯ. Прысьвечаная памяці гэрояў, якія сталі сымбалем годнасьці, кожны зь якіх зьдзейсьніў асабісты подзьвіг, паўстаўшы супроць гвалту і несправядлівасьці, аддаўшы самае каштоўнае - сваё жыцьцё - за новую адроджаную Ўкрайну.

На аверсе манэты на тле бруку ўверсе надпіс - УКРАЙНА, пад якім - малы Дзяржаўны Гэрб Украйны; раскладзеныя на бруку гвазьдзікі, якія сымбалізуюць пралітую кроў гэрояў, надпіс - ГЕРОІ НЕ ПАМІГАЮЦЬ!!, на люстраным тле зь левага боку - намінал 5 грыўняў і год чаканкі манеты - 2015; справа - лягатып Манэтнага двара Нацыянальнага банка Ўкрайны.


На адваротным баку манэты намаляваная кампазыцыя: унізе сьвечкі, полымя якіх уздымаецца ўверх на тле блакітна-жоўтага (выкарыстаны тампадрук) Дзяржаўнага Сьцяга Ўкрайны й сымбалізуе душы гэрояў, уверсе на люстраным тле - стылізаваны надпіс - НЯБЁСНАЯ СОТНЯ.

Мастак: Таран Уладзімер, Харукі Аляксандр, Харукі Сяргей

Скульптар: Атаманчук Уладзімер, Дзям'яненка Анатоль


ЭЎРОМАЙДАН

3. Манэта ЭЎРОМАЙДАН. Прысьвечаная пратэстным акцыям, якія адбыліся ва Ўкрайне на працягу лістапада 2013 - лютага 2014 і былі напоўненыя імкненьнем да зьменаў, эўропейскага напрамку развіцьця ўкрайнскай дзяржавы.


На аверсе манэты на рэльефным тле, стылізаваным пад сьцяг, які лунае, уверсе надпіс - УКРАЙНА, зь левага боку ад якога - малы Дзяржаўны Гэрб Украйны; намінал - 5 грыўняў і год чаканкі манэты - 2015 (зь левага боку); лягатып Манэтнага двара Нацыянальнага банка Ўкрайны (унізе); у цэнтры, у квадраце, створаным з надпісу - цытаты з артыкула 5 Канстытуцыі Ўкрайны: НОСЬБІТОМ І АДЗІНАЙ КРЫНІЦАЙ УЛАДЫ ВА ЎКРАЙНЕ ЗЬЯЎЛЯЕЦЦА НАРОД, намаляваны фрагмэнт веча.


На адваротным баку манэты разьмешчаная сымбалічная кампазыцыя: на тле сьцяга Эўропейскага Зьвязу рука, сьцісненая ў кулак, трымае Дзяржаўны Сьцяг Украйны (сьцягі намаляваныя з выкарыстаньнем тампадруку), зь левага боку надпіс  -ЭЎРОМАЙДАН.

Мастак: Таран Уладзімер, Харукі Аляксандр, Харукі Сяргей

Скульптар: Іваненка Сьвятаслаў, Чайкоўскі Раман

Па матэрыялох Нацыянальнага Банку Ўкрайны

Шчыт Эўрамайдана, альбо Год без Міхала 22.01.2015 7

Рабочы назоў "Міхал Жызьнеўскі: Перарваны палёт".


Год назад, ранком 22 студзеня, падчас спробы захопу барыкад Эўрамайдана гвардзейцамі Януковіча, быў забіты 25-гадовы хлопец з Гомельшчыны, самаабаронавец Міхал Локі Жызьнеўскі. Штатны забойца пацэліў беларусу проста ў сэрца, калі той, з драўляным шчытом у руках, спрабаваў закрыць прасьвет паміж згарэлымі аўтобусамі на вуліцы Грушэўскага, празь які ў майданоўцоў ляцелі кулі "Бэркута". Тэлеканалы, асобныя журналісты й блогеры правялі цэлы шэраг ўласных расьледваньняў сьмерці Міхала, аднак забойца і замоўцы забойстваў, якія потым працягнуліся, афіцыйна дасюль не пакараныя.


1. Першыя Героі Нябёснае Сотні (на ніжнім малюнку зьлева направа): Сергій Нігоян(4), Міхал Жызьнеўскі(3), Юрій Вербицький(1), Роман Сенік(2).

2. З Клічком. Ад пачатку зімовага супроціву й да сьмерці на барыкадах Міхаіл Жызьнеўскі, вядомы пад імём Локі, зьяўляўся актыўным абаронцам Эўрамайдану. Фрагмэнты фота.


3-7. Як распавядаюць сябры і сваякі Міхала, ён быў моцным, але вясёлым і міралюбным хлопцам, абаронцам па жыцьці. Калаж з фрагмэнтаў фота розных гадоў, адшуканых групай у сацыяльных сетках.

«Міша хварэў, лекі былі з сабой, але стаяў на барыкадах. Рука ў яго была расьцягнутая - гэтым эластычным бінтам перацягваў яе.»


8. Міратворца. Фрагмэнт фота на нэўтральнай паласе.

9. Зь сям'ёй. Фрагмэнт фота.

10-11. Карыстальнікі Твітэра лічаць, што гэта "апошнія прыжыцьцёвыя фота Міхала Жызьнеўскага". Кадры аматарскага відэё.


12. "На маршы за мір у Кіеве, калі калона праходзіла побач з помнікам Жызьнеўскаму, людзі пачалі станавіцца на калені, выказваючы падзяку нашаму герою!" Фота з сайту "Народная Перамога".

Мы ня ставілі мэтай апублікаваць тут УСЕ матэрыялы, сабраныя намі, але ўпэўненыя, што і гэтыя будуць адкрыцьцём нават для большасьці з абазнаных чытачоў "БеларусПартызана". Гэроям слава!

ФБ-група запрашае прыняць удзел ва ўшанаваньні памяці першых гэрояў Нябёснае сотні Майдану, запаліўшы а 18-ай гадзіне сьвечкі - у царкве, касьцёле, офісе, кватэры - кожны выбірае сам.



PS-Бонус: 1. Улюбёныя кветкі і цукеркі Локі. 2. Лісты й паштоўкі, дасланыя на тэлеканал 1+1. Фота з ФБ-групы.

Страницы: 1
Читать другие новости

Тацяна Грачанікава