РАЗВОДКА

“Правакацыі - высокія тэхналогіі палітыкі”, - сказаў мне на допыце адзін з начальнікаў КДБ, калі я абвінаваціў ягонае ведамства ў правакацыях на Плошчы 2010 года.
Гэтымі “высокімі тэхналогіямі” цяперашні беларускі рэжым эфектыўна карыстаецца ўжо 20 гадоў. Найчасцей у адносінах да дэмакратычнай супольнасці. І карыстаецца эфектыўна, пра што найперш сведчыць стан палітычнай апазіцыі.
Запрашэнне на прэс-канферэнцыю Лукашэнкі прадстаўнікоў адных незалежных СМІ ў абыход іншых - правакацыя. Звычайная “разводка”. І, мяркуючы па тым, што ў журналісцкім асяродку пачалося публічнае высвятленне асабістых адносінаў, “разводка” ўдалася.
Дзіўна.
Калі не дзіўна, дык шкада.
06.08.15 12:28

Уладзiмiр Някляеў