ЗАБІЛІ ПАЎЛА ШАРАМЕТА!


Машына, у якой ён ехаў, выбухнула на рагу вуліцы Багдана Хмяльніцкага і Івана Франка ў Кіеве, піша "Украінская праўда".

Гэтая машына належала кіраўніку "Украінскай праўды" Алёне Прытуле, яе ў машыне не было.

Выбух адбыўся у 7:45 раніцы, калі Шарамет выехаў з дому і праехаў некалькі дзесяткаў метраў.

Стваральнік партала "Беларускі партызан" Шарамет апошнія пяць гадоў жыў у Кіеве, працаваў ва "Ўкраінскай праўдзе", быў вядучым на радыё "Весці".

У Беларусі Павел Шарамет быў арыштаваны 23 ліпеня 1997 года - такія вось драматычныя, трагічныя ліпеньскія супадзенні...

З Мінска ў Маскву ён з'ехаў як непрымірымы праціўнік рэжыму Лукашэнкі, з Масквы ў Кіеў - як непрымірымы праціўнік рэжыму Пуціна, якога лічыў віноўнікам вайны на ўкраінскай зямлі, быў цалкам на баку Украіны.

У Паўла засталося двое дзяцей...

Найглыбокія спачуванні родным і блізкім...

.
20.07.16 10:03



Cервис комментирования Disqus позволяет легко авторизоваться через фэйсбук и твиттер, а также напрямую в Disqus. Даёт возможность репостить комментарии в фэйсбук, а также использовать изображения. 
Подробнее читайте здесь.
Ветеранам Клуба Партизан, мы оставляем и старую форму авторизации.
 
загружаются комментарии

Уладзiмiр Някляеў