КАСТРЫЧНІЦКАЯ ПЛОШЧА, 18.00

Некалі жыў я пад горадам Уладзівастокам у бараку з расканваіраванымі зэкамі. Наглядзеўся там на многае - у тым ліку на тое, як пахан вучыў насельнікаў барака цвіркаць слінай скрозь шчыліну між залатымі фіксамі. “Ну што ты плюеш, як вярблюд? Цвіркаць трэба “ізячна”. І цвіркаў, каб запомнілі, у твар.
Вось так “ізячна” цвіркнуў пахан беларускага барака ягоным насельнікам на сёлетніх парламенцкіх “выбарах”. Усім, найперш палітыкам. І не толькі “барачным”, але і многім еўрапейскім, якія таньчылі з ім “польку з выбарамі”. “Вы хацелі ў маім парламенце вашай апазіцыі? Вось вам дзве штукі! Заадно закрыем гендарную цему. Какой вапрос астался? Казьні смертнай? І его рашым, пару чалавек не казьнім...”
Пасля пляўка ў твар насельнікі барака пад Уладзівастокам паводзілі сябе па-рознаму. У большасці выціраліся і гэтак жа, як жылі раней, жылі далей. Як людзі без годнасці...



Той, у каго ёсць годнасць, не вытрыцца - і не будзе гэтак жа, як жыў раней, жыць далей.
12 кастрычніка - мірная акцыя з патрабаваннем свабодных, справядлівых, сапраўдных выбараў!
Мінск, Кастрычніцкая плошча, 18.00

12.09.16 14:02



Cервис комментирования Disqus позволяет легко авторизоваться через фэйсбук и твиттер, а также напрямую в Disqus. Даёт возможность репостить комментарии в фэйсбук, а также использовать изображения. 
Подробнее читайте здесь.
Ветеранам Клуба Партизан, мы оставляем и старую форму авторизации.
 
загружаются комментарии

Уладзiмiр Някляеў