ФЛОРЭНС НАЙЦІНГЕЙЛ


між запоўненых коек і стогнаў ідзе

з ліхтаром кіраўніца каб стацца ў бядзе

суцяшэннем для кожнага з хворых байцоў

ледзі з лямай завецца ды ліецца кроў

а вакол горкі Крым горны Крым дзіўны дым

раздае сотні смерцяў адным і другім

па дарожнай бядзе па няшчасцяў слядах

йдзе дзівоснасць удачы й амбіцыяў прах

горны Крым пераварыць гісторый сляды

гэты востраў прапусціць праз дзён правады

безліч жыццяў народаў паселішчаў сноў

перамогай пацешыцца кожны з бакоў

будзь уважлівы добры гісторык пазбаў

нас ілюзій на тым дзе чорт ногі зламаў

усё было б так цікава й займальна калі б

ні сумнеўныя смерці між крымскіх сяліб

і варожасці холад хваробы і боль

ды ўзнікае як фея і крочыць паволь

ледзі з лямпай багатая дзеўка знайшла

сабе справу замест свецкіх баляў святла

медсястрыцай зрабіцца паехаць лячыць

англічанаў параненых і гаварыць

свайму сэрцу ў спадзеве што дым праглыне

ўсе нягоды і дурасць і бруд на вайне

ды імёны ня здолеюць сцёрці часы

і анёлы запомняць людзей галасы

Флорэнс Найцінгейл цешыць за поўнач сабе

добрым кубкам гарбаты ў ваеннай журбе

дай нам Божа знайсці ў самых розных сваіх

сітуацыях годную справу і ўдых

паўнаты каб у нашыя жыцці і дні

прага сэнсу ня сталася прагай вайны




18.06.14 16:57



Cервис комментирования Disqus позволяет легко авторизоваться через фэйсбук и твиттер, а также напрямую в Disqus. Даёт возможность репостить комментарии в фэйсбук, а также использовать изображения. 
Подробнее читайте здесь.
Ветеранам Клуба Партизан, мы оставляем и старую форму авторизации.
 
загружаются комментарии

Маргарита Тарайкевич