ДУБЛІНСКІ ПРАМЕНАД




як хочаш жыві хай кінуць

амбіцыі стрэсам граць

бо ёсць толькі тры прычыны

змагацца і паміраць

то дзеля людзей і Бога

і нат самаго сабе

а слава з яе падмога

як складаньчык пры касьбе

і радасны Дублін стыне

з імёнамі тут і там

тут помнікі ды ўспаміны

і фетыш галоўпаштамт

то храбрасць то жорсткасць сніцца

на вуліцаў тых плаву

і тлусты баклан садзіцца

герою на галаву






18.06.14 17:24

Маргарита Тарайкевич